Ester 3:5 - সান্তালী বাইবেল

⁵ Mordekai do ikhṛum hõ baṅ ar manot hõ baṅ emokʼkan reakʼe baḍaeketʼ khan Haman do ạḍiye raṅgaoena.

Ester 3:5 Referans Kwoze

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Ester 5:9

Enhilokʼ Haman do kusite bahreteye oḍok calaoena. Menkhan uni do tinre raj dolan reakʼ phaṭok duạrre Mordekaiye ńamkedea, ar Mordekai do uni ńelkate hõ bae teṅgolena ar manot hõ bae udukʼadea unre uni do Mordekai upạrte ạḍiye edreyena.

Kạhtukko 21:24

Bạḍại ar dhomokkan hoṛakʼ ńutum do, “Landa dhutʼicʼ;” uni do bạ̃ṛti gorbokʼ tulucʼe kạmiya.

Ester 3:2

Unre raj dolan reakʼ phaṭok duạrre tahen kạmiyạko do ikhṛumate Hamanko ḍobokʼaekan tahẽkana, ente raj do uni reaṅ onkageye hukumakatʼ tahẽkana. Menkhan Mordekae do ikhṛum hõ bae ikṛumokʼkan tahẽkana ar ḍobokʼ hõ bae ḍobokʼae kan tahẽkana.

Kạhtukko 19:19

Edre ḍhergetae hoṛ do ḍanḍom ocoaeme; entem rukhiyạ lekhan arhõ onkaetege hoyokʼtama.

Kạhtukko 12:16

Bebuj hoṛakʼ khĩs do baḍae godokʼa, menkhan budan hoṛ do opoman bae moneyakʼ kana.

Jobakʼ 5:2

Khĩs do bebujicʼ hoṛe ses utạrea ar hiskạ do lelhayicʼe gojea.

Ester 1:12

Rajren sapʼdapʼko do rajakʼ hukum rạniko baḍae ocokede khan Bạsti rạni do onko sãote hijukʼ bae rebenlena. Onate raj do edreteye seṅgelena.

Ester 3:4

Nonkage din hilokʼko metaekan tahẽkanre hõ uni do onkoakʼ katha bae ańjomletʼtakoa. Onate onko do ona katha Hamanko baḍae ocokedea. Onko do Mordekayakʼ niạ beohar ṭarhaokʼtaea se baṅa ona ńelko mepenena, ente Jihudikanae mente onkoe lạiyatʼko tahẽkana.

Sosolhayic̕ 10:6

Bebujko do cetan hudạreko doho ocokʼa, ar kisạ̃ṛko do latar hudạreko duṛupʼ ocokʼa.

Sereńko 37:12

Isor botoraeko upạrte bạṛicʼ hoṛko do phundiko aṭaoa ar onko upạrte ḍaṭako keṭer meṭertakoa.