Esra 9:8 - সান্তালী বাইবেল

⁸ “Menkhan ńit thoṛa okte lạgitʼ aleren Probhu Isor doe daya akatʼlete aleren thoṛa hoṛ do jiwetʼe dohoakatʼlea ar uniyakʼ sonot disạmre mitʼṭecʼ jaegae em akatʼlea. Nonkate aleren Isor do rạskại dan akatʼlea ar aleakʼ golam dosarele tahẽkanre jiwiye raṛecʼketʼtalea.

Esra 9:8 Referans Kwoze

Sereńko 13:3

E Probhu ińren Isor, iń secʼ beṅgedme ar roṛ ruạṛạńme; ar daṛe emạńme; ar baṅkhan ińre do moron reakʼ jạpitʼge hijukʼa.

Hosea 6:2

Thoṛa din tayom unige aboe bańcao bona, ar lahate lekae ạgu ruạṛ bona jemon uni samaṅre bon girobas daṛeakʼ.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 85:6

Amren hoṛko am iạte jemonko rạskạ daṛeakʼ onate cetʼ onko do bam jiwetʼ ruạṛkoa?

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

Sakariạ 10:4

Jihudạ khonge konac reakʼ dhiri, tạmbu reakʼ gońj, lạṛhại reakʼ akʼ sar ar disạm cakʼlaokoko oḍok hijukʼa.

Sakariạ 8:12

Ńitokʼ do itạ khon dare do mońjtege harakʼa, ar darkha nạ̃ṛĩre jo sabokʼa, khetre phosol janamokʼa ar noko jạtren jiwetʼ tahen hoṛko do iń emakʼ ạidạri lekate jotowakʼko ńama.

Sakariạ 8:6

Ar okako hoyokʼ ona do noko jạtren sarecʼ jiwetʼ tahen hoṛko ṭhen do oho hoedaṛelena mente hudiskokʼa, menkhan iń ṭhen baṅ hoyokʼakʼ do bạnukʼa. Iń phạdkoren Probhu Isorge noa katha doń meneda.

Jeheskel 14:22

Enhõ onḍe adomko do jiwetʼko tahena ar onko doko oḍok ocokʼa. Onko do ape ṭhenko hijukʼa, ar tinre onkoakʼ bạṛicʼ sobhab ar kạmikope ńela unre Jerusalem cetanre muhiniń ạguiyre ape do jiwi raṛecʼpe ńama.

Jirimiạ 44:14

Nonkate Misor disạmre tahen lạgitʼko hecʼakan Jihudạren sarecʼko do cele hõ bako paskaokʼa, ar bako sarejokʼa, onko do Jihudạ disạmte ruạṛ lạgitʼko ahkaokʼgea, menkhan celege bako ruạṛa mitʼ bar ńir paskaokʼko chaḍa.”

Jesaea 56:5

enḍekhan onkoakʼ ńutum do hopon ar hoponerako khon hõ sorosge ińakʼ oṛakʼre ar ińakʼ pạcri bhitrireń bạisạukea mitʼṭecʼ cinhạ lekate. Ar jaejugakʼ ńutumgeń emkekoa oka do baṅ maraokʼ.

Jesaea 1:9

Phạdkoren Probhu Isor do abo lạgitʼ adom adom hoṛko jiwetʼ bae doholeko khan enḍekhan aboakʼ dosa do Sodom ar Gomora leka hoykokʼa.

Sosolhayic̕ 12:11

Ạkilan hoṛkoakʼ katha do gupikoakʼ ṭheṅga leka. Onkoakʼ kathako do kuṭạm jalatʼ akatʼ jạlạiko lekana. Ona do mitʼṭen gupiyicʼe roṛakatʼ leka.

Sereńko 138:7

Tinre iń do gạr talateń calakʼa unre ińakʼ jiwi do rukhiyại tińme; amakʼ ti tiạrte ińren bạirikoakʼ edre cabaetakome, ar amakʼ jojomtite rukhiyạyińme.

Sereńko 34:5

Hoṛko do tinre uni secʼ pạtiạr salakʼko beṅgeda unre onkoakʼ mẽtʼãhã do kharsalakʼtakoa; onkoakʼ mẽtʼãhã do baṅ lajao ocokʼtakoa.

Jobakʼ 33:30

jemon uniyakʼ jiwi do Sheol khon ruạṛ hijukʼtaea ar uni cetanre jiwetʼko reakʼ marsal paṛaoaea.

Nehemiạ 9:31

Menkhan amakʼ asambheṛ daya gunạkʼte onko do bam maraoletʼkoa se bam bạgi giḍiletʼkoa ente am do daya ar mãyãte perecʼ Isor kanam.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Esra 9:9

Ale do golamko kanrehõle golam tahen oktere aleren Isor do bae bạgi giḍi akatʼlea. Paras raj samaṅre uni do pạtiạre beohar akada. Uni do aleye udgạuketʼlea jemon aleren Isorakʼ oṛakʼle benao aroe ar rạputʼ akan jaegako hõle jut ruạṛ. Uni do Jihudạ ar Jerusalemre nirạite tahen reakʼe bebosta akatʼlea.

2 Rapajko 19:4

Ạsurren raj do jiwetʼ Isor nisṛạue lạgitʼ Rabsakeye kolakadea menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme okoe do ńit hạbicʼ jiwetʼ menakʼko.”

1 Samuel 14:29

“Unre Jonathane menkeda, “Iń baba do hoṛkoe kosṭo ocoyetʼkoa. Ńelpe, niạ rasa thoṛagan mocareń idiketʼ sãote hoṛmore daṛe do ruạṛ hecʼadińạ.

1 Samuel 14:27

Menkhan Jonathan do bae baḍaekan tahẽkana, acʼren apattetʼ do hoṛko mitʼṭecʼe kiriạ ocoakatʼkoa mente. Onate uni do acʼakʼ ti reakʼ ṭheṅga agalte chatareye gutukeda ar rasa hataokate tite jojome ehopʼena. Ar uniyakʼ hoṛmore daṛe do ruạṛ hecʼena.

Kạhtukko 29:13

Reṅgecʼ hoṛ ar haḍrapko talare begar do bạnukʼa Probhu Isor do bana hoṛge jione dan akatʼkinạ.

Jesaea 14:3

E Israel, oka hilokʼ Probhu Isor do amakʼ harkhet saset khon, amakʼ jala, hamal kạmi ar golam khone rukhiyạmea enhilokʼ am do Babelren raj upạrte nonkage ṭiṭkạri katham roṛa, “Ńelpe, sasantaoicʼ do cetʼlekae cabayena! Uniyakʼ sasantao edre do mucạtʼentaea.

Sereńko 13:4

Unre ińren bạirikoko mena, “Iń do uniń bhagao akadea.” Ar nirạite bạń tahẽlen khan ińren bạiri doko hulạsokʼa.

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Sephaniạ 3:12

Okoe Probhu Isor cetanreko bhorsakʼkan onkan mạ̃hir ar iń botorạńkan hoṛ do amreń sarecʼ dohokoa.