Esra 9:3 - সান্তালী বাইবেল

³ Niạ katha ańjomkate mon reakʼ kosṭote iń do horokʼakʼ kicricʼ iń oṛecʼkeda ar ińakʼ bohokʼ reakʼ upʼ ar gocoyiń racakʼ totʼketʼte hadosań duṛupʼ hapeyena.

Esra 9:3 Referans Kwoze

Nehemiạ 1:4

Niạko katha ańjomkate iń do duṛupʼkate rarakʼ iń ehopʼena. Ar thoṛa din homor halaṅkate iń doń upạskeda ar sermaren Isor ṭheniń koekeda.

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Mikạ 1:16

Okoe do hopon ar hoponerako iạtepe rạskạkʼkan tahẽkan onko lạgitʼ homor halaṅ iạte bohokʼ hoyo poṭorokʼpe; gidi bohokʼ leka apeakʼ bohokʼ do ceḍeytape, ente onko do bondikate ape khon sạṅgińteko idi ocokʼa.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Jeheskel 7:18

Onko do gõṛẽ kicricʼko paṭhejoṅa ar botorteko thartharaokʼa. Onko do lajaoteko perejokʼa ar bohokʼ doko hoyo munḍrạ ocokʼa.

Jeheskel 3:15

Bondi akan okoeko hoṛ do Kebar gaḍa ṭhenakʼ Tel-Abibreko tahẽkan onko ṭhen iń doń calaoena. Ar okareko tahẽkan onḍe onko talare iń do eae din hape akaniń tahẽyena.

Jirimiạ 36:24

Ar onko do okoehõ bako toraslena raj hõ baṅ ar uniren golamko modren tinạkʼko ańjomketʼ onko hõ baṅ. Ar akoakʼ kicricʼko hõ bako oṛecʼletʼtakoa.

Jirimiạ 7:29

E Jerusalem, amakʼ upʼ getʼkate sạṅgińte giḍikakʼme; ceḍe ḍuṅgrikore homor halaṅme, ente Probhu Isor do acʼe raṅgao akan piṛhirenko nihạ̃t are giḍi sae akatʼkoa.

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Sereńko 143:4

Onate iń doń lorao akana; ińre ińakʼ ontor do keklesetʼ akantińạ.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

2 Rapajko 18:37

Inạ tayom raj oṛakʼren mukhiyạko do Hiskiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko do akoakʼ kicricʼko oṛecʼketʼte Hiskiạ ṭhenko ruạṛ calaoena ar Rabsake cetʼkoe roṛketʼ ona jotowakʼko lạiyadea.

Levitikus 21:5

“Naekekoakʼ bohokʼ hoyo poṭorokʼ, goco getʼ se hoṛmo reakʼ jãhã jaegare alo jemonko getʼ ghaotako.

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

Sereńko 119:53

Bạṛicʼ hoṛkoakʼ bạṛicʼtetʼ ńelte ạḍitetʼ iń raṅgaokʼ kana, onko do amakʼ hukumko bạgi akada.