Esra 9:2 - সান্তালী বাইবেল

² Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Esra 9:2 Referans Kwoze

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Esra 10:2

Unre Elamren mitʼ bõsren Jehiyelren hopon Sekaniạ do Esrae metadea, “Aboakʼ disạmreko girobasokʼ kan judạ judạ jạtren kuṛiko bon bapla akatʼkote aboren Isor ṭhen do bepạtiạrko bon hoyakana; menkhan enhõ Israelkoakʼ as do ńithõ menakʼgea.

1 Korinthiko 7:14

ente rinicʼtetʼ hotete uni bepạtiạricʼ jãwãe ar jãwãetetʼ hotete uni bepạtiạricʼ rinicʼtetʼ doe sonot ocoakana; ar onka baṅ hoylen khan aperen gidrạko do besaphako hoykokʼa, menkhan Isor samaṅre onko do besapha doko baṅkana.

Malaki 2:15

Probhu Isor do jãwãe ar maejiu cetʼ bae mitʼ akatʼkinạ? Hoṛmo ar jiu do uniren kangea kin. Unkin do cekate kin mitʼgea? Ente uni do unkin hotete Isore botorae kan mitʼ bõsrenko rukhiyạkoe menleda. Ar onate ape do apeakʼ ontor babotre sontor akae tahenpe; jemon juạn okteren bạhuko sãote phạsiạrako alope hoyokʼ.

Malaki 2:11

Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Exodus 22:31

“Ape do ińren begar akan hoṛ kanape. Onate nonkan jãhãn janwarakʼ jel alope joma one okoe do kaṭaha janwar ṭhene gocʼ ocoakan; ona do setape emakoa.

Exodus 19:6

Ińren hoṛko hotetege ińren naekekoakʼ rajosṭi do hoyokʼa ar noko jạtrenkoge iń ńutumteń begar akatʼko jạtrenko hoyokʼa. Noa katha do Israelkom baḍae ocokoa.”

2 Korinthiko 6:14

Ape do bepạtiạuko sãote inạ mitʼ arãṛre alope joṛao midokʼa. Dhorom tulucʼ bedhoromakʼ jopoṛao do okare? Marsal ar ńut talare cetʼ jopoṛao do menakʼgea?

Jesaea 6:13

Unre disạm talare gel hạṭiń reakʼ mitʼ hạṭiń hoṛko tahen, enhõ onko doko jalao marao ocokʼa. Menkhan Elon dare makʼ bhindạṛlere cetʼleka ona reakʼ hurutʼtetʼ tahen, onkage hurutʼtetʼ lekate disạmre sonot itạ leka adom hoṛko tahena.”

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Nehemiạ 13:17

Unre iń do Jihudạren manotan hoṛkoń ruhetʼketʼkote onkoń metatʼkoa, “Noa do cetʼpe ceka kana? Ape do jirạukʼ mãhãre behokakʼpe kạmiyetʼte cedakʼpe besonotetʼ kana.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

Esra 9:12

Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

Esra 9:14

Ale do cetʼ amakʼ hukumko batao baṅkate bạṛicʼko kạmikan hoṛko tulucʼle bapla midokʼte onko sãotele peṛakʼa? Arle onkae khan am do ale cetanrem edrekʼte alem marao giḍikalea ar celege jiwetʼ do bam doholeya.

Levitikus 21:15

jemon goṭa bõsrenko talare acʼren hoponko aloe besonot ocoko. Ente iń Probhu Isorge naekekoń begar dohoakatʼkoa.”

Josuạ 22:15

Onko do Gileadre Ruben ar Gad gusṭiren hoṛko ar Manase gusṭiren adha hoṛko ṭhen senkateko menkeda,

1 Rapajko 11:1

Solomon raj do pharaoren hoponera chaḍa arhõ aema bidisiạ maejiukoe dulạṛetʼko tahẽkana. Onko do Moabren, Amoniren, Edomren, Sidonren ar Hittirenko tahẽkana.