Esra 9:12 - সান্তালী বাইবেল

¹² Ona iạte aperen kuṛiko do onkoren hoponko sãote alope baplakoa se aperen koṛako lạgitʼ hõ onkoren kuṛiko alope hataokoa ar tishõ onkoakʼ bhạlại se rakapʼko reakʼ do alope kurumuṭuiya. Onate ape do daṛeankope hoyokʼa ar jumi reakʼ bhage bhage jiniskope jom daṛeakʼa ar jaejug ạidạri lekate disạm do aperen hopon ar hoponerako lạgitʼpe doho oṭo daṛeakʼa.’

Esra 9:12 Referans Kwoze

Dosar Biboron 7:3

Onko sãote baplakʼ reakʼ hõ alope bondobosa. Aperen kuṛiko hõ onkoren hoponko alope emakoa ar onkoren kuṛiko hõ aperen hoponko lạgitʼ alope ạgukoa,

Dosar Biboron 23:6

Tinạkʼ din jiwetʼpe tahen unạkʼ din onko bhạlạiko reakʼ alope kurumuṭuiya.

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Jesaea 1:19

Ape do tabe akan tahenpe aṅgocetʼ khan enḍekhan disạm reakʼ joto khon bhage phosolpe joma,

Kạhtukko 20:7

Isor botorae hoṛ do dhoromreye taṛameda; bhạgangeako uniren bõsko do!

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Exodus 23:32

Onko sãote se onkoren debotako sãote cetʼge alope rikita.

2 Bõsbudạ 19:2

Unre Hananren hopon ńeńelicʼ Jehu do uni ṭhen senkateye menkeda, “Bạṛicʼ hoṛko goṛowako ar okoe do Probhu Isorko hirkhạwae onko dulạṛko am do cetʼ lek getama? Ona iạte Probhu Isorakʼ edre do am cetanre pheḍ hecʼakana.

Dosar Biboron 23:7

“Menkhan Edomrenko do alope hirkhạwakoa, ente onko do aperen boeha kanako. Misorrenko hõ alope hirkhạwakoa, ente onkoakʼ disạmre ape do porjạtrenko lekatepe tahekana.

1 Bõsbudạ 28:8

“Onate sanam Israelko, metakʼme Probhu Isor do somajren hoṛko ar aboren Isor samaṅre iń do ape ńitokʼ noań hukumape kana, ape do aboren Probhu Isorakʼ sanamakʼ hukumko manao lạgitʼ moneyakʼpe jemon noa mońj disạmrepe tahẽdaṛeakʼa ar jaejug reakʼ sompotti lekate aperen bõskope em daṛeako.