Esra 9:1 - সান্তালী বাইবেল

¹ Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Esra 9:1 Referans Kwoze

Nehemiạ 9:2

Israel jạtren hoṛko do eṭakʼ sanam jạtrenko khon apnartetʼko begarena. Onko doko teṅgoyente akoakʼ kại ar akoren hapṛamkoakʼ bedhoromakʼko aṅgockeda.

Exodus 33:16

Ale sãote bam senlen khan cekatele baḍaea, amakʼ daya do iń ar amren hoṛko cetanre menakʼa mente? Iń ar amren hoṛko dhạrtiren eṭakʼ hoṛko khonle begarge ona do cekatele bujhạu daṛekea?”

Jirimiạ 26:16

Unre rajkạmiyạko ar sanam hoṛko do naekeko ar nạbikoko metatʼkoa, “Nui do gujukʼ sạjại lek doe baṅkana. Uni do aboren Probhu Isor ńutumte abo ṭhen kathae roṛakada.”

Jirimiạ 26:10

Jihudạren rajkạmiyạko do noa kathako ańjomketʼ khan raj oṛakʼ khon Probhu Isorakʼ oṛakʼteko hecʼena ar Probhu Isorakʼ oṛakʼ reakʼ nãwã phaṭok duạrte bolokʼ hor ṭhenko duṛupʼena.

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Sereńko 106:35

bickom onko jạtrenko sãoteko mesalena ar onkoakʼ ạri cạliko hataoana.

Nehemiạ 4:3

Unre Amoni Tobia do uni aṛereye tahẽkana; uni doe menkeda, “Onko okako benaoetʼkan ona cetante mitʼṭen khĩkṛĩye decʼlen khan hõ dhiri pạcri do dhasao lạnduṛokʼtakoa.”

Esra 10:8

Jãhãege pe din bhitrite bae hạjirokʼ, uniyakʼ somppoti do cetan hudạren kạmiyạko ar mukhiyạkoakʼ sopolha lekate dokholokʼtaea ar bondi dosa khon ruạṛ hecʼakan hoṛkoakʼ somaj khon hõe oḍok ocokʼa.

2 Bõsbudạ 33:2

Probhu Isor do Israelko samaṅ khon okoe jạtrenkoe laga ńirletʼko tahẽkan onko leka hirkhạwakʼko kạmikate Probhu Isorakʼ mẽtʼre oka bạṛicʼakʼ kan onageye kạmiyetʼ tahẽkana.

1 Rapajko 11:1

Solomon raj do pharaoren hoponera chaḍa arhõ aema bidisiạ maejiukoe dulạṛetʼko tahẽkana. Onko do Moabren, Amoniren, Edomren, Sidonren ar Hittirenko tahẽkana.

Dosar Biboron 18:9

“Aperen Probhu Isor ape okaṭakʼ disạme emape lạgidokʼkan onḍe senkate onḍenko jạtren hoṛ oka bạṛicʼakʼko kạmi ona do alope cetʼjoṅa.

Numeri 23:9

Iń do buru muthni khoniń ńelketʼkoa; ar buru cetan khon onkoń ạribạndhi akatʼkoa. Nonkan mitʼṭen jạtrenkoń ńelketʼkoa okoe do eṭakʼko khon pharakreko tahenkan; onko do eṭakʼ sanam jạtrenko sãote midokʼko lekako baṅkana.

Levitikus 18:3

Onate ape okarepe girobasokʼ kan tahẽkan ar Misor disạmren hoṛko okakoko cekayetʼ tahẽkan onka do alope kạmiya ar ińiń idiyetʼpe ona Kanan disạmren hoṛko lekahõ alope colona. Ar onḍenko hoṛko leka hõ alope calakʼa.

Exodus 23:23

Amorirenko, Hittirenko, Pherisirenko, Kananrenko, Hibbirenko ar Jebusirenko oka disạmreko girobasokʼkan ona disạmte ińren goḍet doe ạyur idipea. Iń do onko sanamkoń marao cabakoa.

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

Nehemiạ 4:7

Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

Nehemiạ 13:23

Ona jokhecʼ iń do niạ hõń ńelkeda je, Jihudạren adom hoṛko do Asdod, Amoni ar Moabi kuṛikoko bapla akatʼkoa.

Malaki 2:11

Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.

Numeri 25:6

Onate Mose ar Israelren sanamko ńapamokʼ tạmbu reakʼ duạr ṭhen tinreko rakʼjoṅkan tahẽkana unre mitʼṭen Israel hoṛ do onko samaṅrege mitʼṭen Midiạnren kuṛi do acʼakʼ gharońj lạgitʼe idikedea.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Dosar Biboron 23:8

Onkoren tesar piṛhiren gidrạko do Probhu Isorakʼ manḍerreko seletʼ daṛeakʼa.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

2 Bõsbudạ 8:7

Ar okoe do Israelko baṅkan, metakʼme Amoriko, Hittiko, Peresiko, Jebusikoren bõsko do unhõ jiwetʼko tahẽkana,

Esra 10:2

Unre Elamren mitʼ bõsren Jehiyelren hopon Sekaniạ do Esrae metadea, “Aboakʼ disạmreko girobasokʼ kan judạ judạ jạtren kuṛiko bon bapla akatʼkote aboren Isor ṭhen do bepạtiạrko bon hoyakana; menkhan enhõ Israelkoakʼ as do ńithõ menakʼgea.