Esra 8:16 - সান্তালী বাইবেল

¹⁶ Unre iń do Elieser, Ariel, Semaya, Elnathan, Jarib, Elnathan, Nathan, Sekaria, ar Mesulam ńutuman mukhiyạko ar Joyarib ar Elnathan ńutuman bar hoṛ cecetʼkin iń hoho ạgu ocoketʼkoa.

Esra 8:16 Referans Kwoze

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

2Timothi 2:7

Iń okań menetʼkan ona do alom bhabnakʼa, ente Probhu Isorge jotowakʼ reaṅ bujhạu lạgitʼ daṛeye emama.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Kạhtukko 28:2

Disạmren hoṛkoakʼ ghạṭ iạte onaren aema cạlạuakoko hoyokʼa, menkhan ạkilan ar budan cạlạuako hotetege disạm reakʼ kajaktetʼ do tahena.

Kạhtukko 20:5

Manwa ontor reakʼ monsuba do hasa latarre menakʼ dakʼ leka, menkhan budan hoṛ do onae lo rakaba.

Kạhtukko 2:6

ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.

Esra 10:21

Harim bõsrenko modre Makʼasia, Eliạ, Semaya, Jahiyel ar Usiạ.

Esra 8:18

Aleren Isorakʼ bhạlạiyanakʼ ti do alere tahẽkante onko do Israelren hopon Liwi gusṭiren Mahale bõs tala khon Serebiạ ńutuman mitʼ ṭhen gạkhuṛ hoṛ ar uniren hoponko ar boehakote jotote gel irạl hoṛ ale ṭhenko ạguketʼkoa.

Esra 8:13

Adonikamakʼ bõsko modre okoe doko ruạṛ hecʼen onkoakʼ ńutum do hoyokʼkana Eliphelet, Jeuel ar Semaya ar onko soṅgeten turui gel hoṛ;

2 Bõsbudạ 2:12

Hirạm do arhõe olkeda, “Israelren Probhu Isor doe bhạgangea, one okoe do ot ar sermae sirjạu akatʼ. Uni do Dạud raj nonkan mitʼṭen akelan hopone em akawadea uniyakʼ bud ar bujhạu reakʼ daṛe menakʼtae ar okoe do Probhu Isor lạgitʼ mitʼṭecʼ oṛakʼ ar apnar lạgitʼ mitʼṭecʼ raj oṛakʼe benao lạgidokʼkan.

1 Bõsbudạ 26:14

Purub secʼakʼ phaṭok duạr lạgitʼ guli do Selimiạ ńutumte rakapʼena. Ona tayom do uniren hopon Sakariạ lạgitʼ gulibãṭ hoyen khan uni ńutum reakʼ guli do utạr secʼakʼ phaṭok duạr lạgitʼ rakapʼena. Uni do mitʼṭen akelan sosolhayicʼe tahẽkana.

1 Bõsbudạ 12:32

Esakhar gusṭiren bar sae mukhiyạko. Onko do budan hoṛko tahẽkana arko bujhạu daṛeakʼkan tahẽkana Israelko tinre cetʼ cekae hoyokʼtakoa mente. Onko sãoteko do ako taberen ako gusṭiren hoṛkogeko tahẽkana.

1 Rapajko 3:11

Isor do uniye metadea, “Am do ḍher din bahaokʼ reakʼ, se am lạgitʼ dhon-durib, se amren bạirikoakʼ gujukʼ hõ bam khojlakʼa menkhan mońjte bicạr chinḍạu reakʼ bujgem khojakada,

Esra 8:15

Ahawa secʼ ạtu oḍokʼ calao akan nala ṭhen iń do nokoko hoṛkoń jarwa mitʼketʼkoa ar ona jaegare ale do tạmbule beretʼketʼte onḍe pe dinle tahẽyena. Ar hoṛko ar naekeko talare tolaskate jãhãn Liwiko do bạń ńamletʼkoa.

Esra 8:17

Noko hoṛko do Kasiphiạre girobasokʼ kan mukhiyạ Ido ar uni bõsren mundilre sapʼsosorko ṭhen niạ katha lại lạgitʼ iń kolketʼkoa, “Ape do aboren Isorakʼ oṛakʼre sapʼsosor kạmi lạgitʼ ale ṭhen hoṛko ạgukope.”