Esra 7:6 - সান্তালী বাইবেল

^6-7 Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

Esra 7:6 Referans Kwoze

Esra 8:22

Horre aleren bạirikoakʼ ti khon ale rukhiyạle lạgitʼ raj ṭhen lạṛhại phạdko ar aswariko koeye doń lajaoena, ente ale do rajle metade tahẽkana, “Okoe do Isorakʼ sana lekako calakʼ onko mimitʼko cetanre uniyakʼ bhạlạiyanakʼ ti menakʼa, menkhan okoe uniko bạgiyae onko sanamko cetanre uniyakʼ edre do paṛaokʼa.”

Esra 7:28

Raj ar uniren sosolhako ar uniren sanam ektiạran kạmiyạko samaṅre unige asambheṛe dulạṛkedeńạ. Iń cetanre ińren Probhu Isorakʼ ti tahẽkante dil iń ńamkeda ar iń sãote Jerusalemte ruạṛ hijukʼ lạgitʼ Israelko mod khon mukhiyạko hõń jarwa mitʼketʼkoa.

Esra 8:31

Pạhil cando reakʼ gelbarakʼ dinre ale do Jerusalem calakʼ lạgitʼ Ahawa soḍokʼ ṭhen khonle mohnḍayena. Ar aleren Isorakʼ ti do ale cetanre tahẽkana ar uni do horre bạiri ar ḍạkukoakʼ ti khone rukhiyạketʼlea.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Nehemiạ 2:18

Ińren Isor cetʼlekae bhạlại akadiń ar raj okae men akawạdiń ona do onkoń baḍae ocoketʼkoa. Onkoko roṛ ruạṛadińa, “Dela enḍekhan, benao bon ehopʼlege.” Ar niạ menkate ona bhage kạmi ehopʼ lạgitʼko sapṛaoena.

Nehemiạ 2:8

Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.

Esra 8:18

Aleren Isorakʼ bhạlạiyanakʼ ti do alere tahẽkante onko do Israelren hopon Liwi gusṭiren Mahale bõs tala khon Serebiạ ńutuman mitʼ ṭhen gạkhuṛ hoṛ ar uniren hoponko ar boehakote jotote gel irạl hoṛ ale ṭhenko ạguketʼkoa.

Esra 7:21

Iń Artaksasto raj do ńitokʼ phurạt gaḍa pạchim aṛe reakʼ sanam khajańci oṛakʼren rurukhiyạko niạ hukumiń emako kana je, sermaren Isorakʼ ạn-ạriren naeke Esra ape ṭhen okae khoj ona jotowakʼ ṭhik lekape emaea.

Kạhtukko 3:6

Amakʼ calakʼ horre uni do samaṅre dohokaeme; unige amakʼ sanam horkoe sojheytama.

Dosar Biboron 28:1

“Aperen Probhu Isorakʼ purạ batao akaepe tahen ar teheń okań hukumapekan ona joton salakʼpe dohoy, enḍekhan dhạrtiren eṭakʼ jạtrenko khon ape doe usulpea:

Dosar Biboron 4:5

“Ińren Probhu Isorakʼ hukum bataokate ape hõ ạn-ạrikoń cetʼ akawatʼpea; jemon oka disạm ạidạri lạgitʼpe calakʼkan ona disạmre onape manao daṛeakʼ. Ar joton salakʼ onakope manao idiy.

1 Korinthiko 15:1

E boehako, ape oka bhage sombat iń porcaratʼpe tahẽkan, ona bhage sombat reakʼ kathageń disạ ocoyetʼpea. Ape do onape ataṅakada ar onarepe teṅgo ṭarhao akana.

1 Korinthiko 1:20

Menkhan akelanicʼ do ukuricʼ? Bidiạwạnicʼ hõ ukuricʼ? Noa piṛhiren esetʼicʼ hõ ukuricʼ? Noa dhạrti reakʼ akel je, lelhawakʼkan ona do cetʼ Isor bae udukʼ abon kana?

Mathae 13:52

Unre Jisui metatʼkoa, “Serma raj reaṅko cetʼ akawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nãwãnakʼ ar mareakʼkoe oḍokketʼ.”

Jesaea 59:1

Ńelpe, Probhu Isorakʼ ti do baṅ khaṭotaea abo bańcao bon lạgitʼ; uniyakʼ lutur hõ baṅ goṛdhotaea aboakʼ ańjomta bon lạgitʼ.

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Sereńko 45:1

Ińakʼ ontor do bhage kathate cepel cepelokʼ kana; ar raj õnõṛhẽye lạgitʼ ińakʼ kobita do oḍokʼakana; ińakʼ alaṅ do cogoṛ olokʼicʼ akʼ kolom hoyakana.

Nehemiạ 8:13

Ona cando reakʼ dosarakʼ dinre sanam bõsren mathako, naekeko ar Liwiko do ạn-ạriko mońjte bujhạu lạgitʼ dhorom guru Esra ṭhenko jarwa mitʼena.

Nehemiạ 4:15

Aleren bạiriko tinreko ańjomkeda, ale do onkoakʼ soṛojontro reakʼ kathale baḍae akada ar Isor do ona bae jo baha ocoletʼtakoa, unre ale sanamkoge pạcri ṭhen ruạṛ senkate apan ạpin kạmirele dhurạuena.

Esra 6:22

Onko do eae din hạbicʼ rạskạ salakʼ bin khạmiyanakʼ piṭhạ porobko porobena. Onko do rạskạteko perecʼena, ente Ạsurren raj jemon Israelren Isorakʼ oṛakʼ reakʼ kạmireye goṛowako onate Probhu Isor do uniyakʼ mone ạcruletʼtaea.

Esra 5:5

Menkhan Jihudikoren murubbiko secʼ Isorakʼ nońjor tahẽkana. Ar Darjawes ṭhen khobor ạuri kol hạbicʼ ar uni ṭhen khon olakʼ reakʼ roṛruạṛ ạuriko ńam hạbicʼ mukhiyạko do kạmi bako bond ocoletʼkoa.

Jirimiạ 8:8

“Ape do cekatepe meneda, ‘ale do ạkilanko kanale ar Probhu Isorakʼ ạn-ạriko ale ṭhen menakʼa.’ Menkhan dhorom guru do ạn-ạriko bhulgeko lạiyetʼte olokʼko do eṛe kathako ol akada.

Nehemiạ 12:26

Josuạren hopon, metakʼme Josabadren goṛomtetʼ koṛa Joyakim ar disạm cakʼlaoyicʼ Nehemiạ ar naeke ar dhorom guru Esra oktere noko doko horhoyetʼ tahẽkana.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Nehemiạ 8:4

Puthi paṛhao lạgitʼ dhorom guru Esra do kaṭ reakʼ oka macanko benaoletʼ onare rakapʼenteye teṅgoyena. Unre uniyakʼ jojomsa aṛe secʼre do Matithia, Sema, Anaya, Uriạ, Hilkiạ, Makʼaseya tekoko teṅgoyena ar leṅgasa aṛe secʼre do Podae, Misayel, Malkia, Hasum, Hasbadana, Sekariạ ar Mesulam tekoko teṅgo akan tahẽkana.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Mathae 23:2

“Sostor baḍaeko ar Phạrusiko do ạn-ạriko cecetʼakʼ babotre Moseyakʼ jaegaregeko duṛupʼ akana.

Esra 7:5

Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.

Nehemiạ 8:1

Eaeakʼe cando lahare sanam hoṛko do mitʼ sãote dakʼ phaṭok samaṅre maedanreko jarwayena. Unre dhorom guru Esra do Israelko lạgitʼ Probhu Isorakʼ emakʼ hukum, metakʼme Moseyakʼ ạn-ạri puthi ạgu darako metadea.

Esra 8:1

Artaksasto raje rajokʼkan tahẽkanre tinạkʼ bõs-mukhiyạko do iń sãote Babel khonko ruạṛ hecʼlen onkoakʼ tạlika do nonka leka:

Nehemiạ 9:13

“Am do Sinại buru cetanrem pheḍ hecʼlena ar serma khon onko sãote katham roṛleda. Ona jokhecʼ am do dhorom reakʼ hukum, ṭhikakʼ ạn-ạriko, bhage niạmko ar hukumkom ematʼko tahẽkana.

Sereńko 80:18

Enḍekhan ar am ṭhen khon bale ruạṛ calakʼa; am do arhõm jiwetʼ ruạṛlea, ar ale do amakʼ ńutumle dohaeyakʼtama.

Sereńko 109:27

Onkoko baḍaema noa kạmi do amakʼ kangea; ar amge, E Probhu Isor, noa dom kạmi akada.

Sereńko 147:19

Uni do Jakob ṭhen acʼakʼ kathae sodor akada, ar Israelko ṭhen hõ acʼakʼ ạn ạrikoe doho akada.