Esra 7:5 - সান্তালী বাইবেল

⁵ Buki do Abisuạren hopon, Abisuạ do Pinhasren hopon, Pinhas do Eliaserren hopon ar Eliaser do maraṅ naeke Aronren hopone tahẽkana.

Esra 7:5 Referans Kwoze

Ibriko 5:4

Maraṅ naeke hoyokʼ reakʼ man do okoe hõ apnarte bae hatao daṛeakʼa, menkhan Isor okoeye hohowae unige ona reakʼ man doe ńama, cetʼleka Isor do Aron maraṅ naeke hoyokʼ lạgitʼe hohowade tahẽkan.

2 Bõsbudạ 26:20

Unre maraṅ naeke Asariạ ar eṭakʼ sanamko do uni secʼko beṅgetʼketʼ khan uniyakʼ moloṅre murhucʼ jom rogko ńelkeda. Onate onko do usạrateko oḍok giḍikadea. Ar acʼhõ usạrate oḍok hijukʼe khojkeda, ente Probhu Isor do uniye ńẽtʼakade tahẽkana.

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

1 Bõsbudạ 6:4

Eliaserren hopon do Pinhas, Pinhasren hopon do Abisue,

Josuạ 24:33

Inạ tayom Aronren hopon naeke Eleaser hõe gocʼen khan uni do Gibeareko topakadea. Noa Ephrayim buru ṭoṭha reakʼ ṭhạ̃i do uniren hopon Phinehase emocolena.

Josuạ 22:31

Ar naeke Eleasarren hopon Phinehas do onkoe metatʼkoa, “Teheńle bujhạu daṛeakʼkana, Probhu Isor do abo sãorege menaea, ente niạ ape do Probhu Isor upạrte bepạtiạrakʼ do bape kạmi akada. Ape do Probhu Isorakʼ ti khon Israel hoponkope rukhiyạketʼkoa.”

Josuạ 22:13

Onko do naeke Eleasarren hopon Phinehas do Gileadre Ruben ar Gad gusṭiren hoṛko ar Manase gusṭiren adha hoṛ ṭhenko kolkadea.

Josuạ 14:1

Eṭakʼ Israelko do Kanan disạmre sompotti lekate jaega jumiko ńamkeda. Naeke Eliaser, Nunren hopon Josuạ ar Israelren judạ judạ gusṭi ar gharońjren mukhiyạko do onako hạṭińatʼkoa.

Numeri 31:54

Probhu Isor jemon Israelko secʼ beṅgetʼ akaeye tahen onate Mose ar naeke Eleasar do hajarko cetanren ar saeko cetanrenko khon ạguwakʼ sona reakʼ jinisko hataokate ńapamokʼ tạmbu ṭhenkin dohokeda.

Numeri 31:31

Probhu Isor Mose okakoe hukumade tahẽkan onkage uni ar naeke Eleasar do jotowakʼkin kạmikeda.

Numeri 31:6

Ar Mose do mimitʼ gusṭiko khon mitʼ hajarkate hoṛ hataokate lạṛhại lạgitʼe kolketʼkoa. Onko sãote naeke Eleasarren hopon Pinhas hõ lạṛhại lạgitʼe kolkedea. Uni do thoṛa sonot jinisko ar pẽpṛẽtʼkine soṅge torakeda.

Numeri 27:2

Noko kuṛiko do ńapamokʼ tạmbu reakʼ bolokʼ horre senkate Mose ar naeke Eleasar ar sanam mukhiyạko ar Israelko samaṅre teṅgoyenteko menkeda,

Numeri 3:32

Liwikoren maraṅ mukhiyạ do Aronren hopon Eleasere tahẽkana. Sonot ṭhạ̃i ńel jut reakʼ bhar okoeko cetanre tahẽkan onko ńel todarotko lạgitʼ do Eleasere bachao ocolena.

Levitikus 10:16

Kại ńutumte okoeṭakʼ merom bodae samaṅlen Mose do uniyakʼ jel reaṅ khojkateye baḍaekeda uni doe jeretʼ caba akana. Onate uni do Aronren sarecʼ banar hopon Eleasar ar Ithamar cetanre raṅgaoenteye metatʼkinạ,

Levitikus 10:12

Ona tayom Mose do Aron ar uniren sarecʼ banar hopon Eliasar ar Ethamare metatʼkinạ, “Probhu Isor ńutumte seṅgelre samaṅokʼakʼ khon jomakʼ samaṅokʼakʼ reakʼ oka sarecʼ hĩsko tahen ona do pinḍ aṛere idikatepe joma, menkhan khạmi begor mesalte jojom hoyokʼa. Noa do sonot utạrakʼ jinis kana.

Levitikus 10:6

Ona tayom Mose do Aron ar uniren banar hopon Eliasar ar Ithamare metatʼkinạ, “Duk iạte bohokʼ totolakʼ do aloben raṛaea ar kicricʼ hõ alo ben oṛeja. Arben onkae khan aben hõ ben gujukʼa ar goṭa Israel jạtrenko cetanre Probhu Isorakʼ edre do sodorokʼa. Menkhan Probhu Isor okoekin seṅgelteye gocʼketʼkin unkin lạgitʼ aperen peṛa pạrbhạko, metakʼme eṭakʼ Israelko doko rakʼ homor daṛeakʼa.

Exodus 6:25

Eleasarren hopon doe hoyokʼ kana Pinhas. Aronren hopon Eleasar do Putialren hoponerae baplaledea ar uniren do Pinhase janamena. Nokoge Lewi gusṭiren mathako tahẽkana.

Esra 7:4

Merayot do Sehariạren hopon, Sehariạ do Usiren hopon, Usi do Bukiren hopon,

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.