Esra 6:5 - সান্তালী বাইবেল

⁵ Ona chaḍa Nebukadnesar Jerusalem reakʼ mundil khon okako sona ar rupạ reakʼ bhajanko Babelteye idiletʼ tahẽkan onako do arhõ Isorakʼ oṛakʼ reakʼ ṭhik jaegare dohokʼma.”

Esra 6:5 Referans Kwoze

Daniel 5:2

Darkha rasako ńũńũkan tahẽkanre Beltsasar doe hukumkeda, sona ar rupạ reakʼ bhajanko ạgui lạgitʼ one oka uniren apat Nebukadnesar do Jerusalem reakʼ mundil khone oḍok ạguakatʼ tahẽkan, jemon onakore uniren napṛakʼ napṛakʼko, uniren erako ar chuṭki erakoko ńũ daṛeakʼ.

Esra 5:14

Uni do Babel reakʼ mundil khon Isorakʼ oṛakʼ reakʼ sona ar rupạ reakʼ bhajankoe oḍok akada one okaṭakʼ do Jerusalem mundil khon Nebukadnesare idiletʼ tahẽkan. Ar Keros raj do acʼe bahal akade subedar Sesbasarakʼ tire onakoe jimạ akada.

Jirimiạ 27:16

Unre iń do naekeko ar sanam hoṛkoń metatʼkoa, Probhu Isor meneda, “Okoe nạbi oneko metapekan, ‘Probhu Isorakʼ oṛakʼ reakʼ jinisko do usạratege Babel khon ruạṛ ạgukʼa,’ onkoakʼ katha do alope ańjomtakoa. Onko do ape ṭhen eṛeyakʼko nạbiyeda.

Jirimiạ 52:19

Rajren rurukhiyạ dolren subedar do sona se rupạte benaoakʼ bhajanko, seṅgel dohoy reakʼ celaṅko, bạṭiko, diuhe dohowakʼko, belcako, coḍor lạgitʼ loṭako ar eṭakʼ okako bhajan tahẽkan onako jotoko idikeda.

2 Bõsbudạ 36:10

Bochor mucạtʼre Nebukadnesar raj do hoṛ kolkate uni ar uni sãote Probhu Isorakʼ oṛakʼ reakʼ damanakʼ jinisko Babelteye idikedea, ar Jehoyakinren bokottetʼ Sedekiạ do Jihudạ ar Jerusalemren raje dohokedea.

2 Rapajko 24:13

Probhu Isor okalekae menletʼ onkage Nebukadenesar do Probhu Isorakʼ oṛakʼ ar raj oṛakʼ khon joto dhon duribkoe oḍok idikeda ar Israelren raj Solomon do Probhu Isorakʼ oṛakʼre lạgitʼ sonate okako jinise benao ocoletʼ onako jotowakʼ uni doe samakʼ khanḍa khunḍikeda.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

2 Bõsbudạ 36:18

Babelren raj do Isorakʼ oṛakʼ reakʼ lạṭu kạṭicʼ sanamakʼ jinis ar dhon-durib, raj ar uniren kạmiyạkoakʼ dhonko Babelteye idikeda.