Esra 6:4 - সান্তালী বাইবেল

⁴ Onare pe aṭal do lạṭu lạṭu dhiri reakʼ ar mitʼ aṭal do kaṭ reakʼ. Ar jotowakʼ khorocko do rajakʼ dhon bhanḍar khon emokʼma.

Esra 6:4 Referans Kwoze

1 Rapajko 6:36

Ar napaete la-getʼakatʼ pe sạr reakʼ dhiri ar debdạru dare reakʼ mitʼ sạr reakʼ moṭa kaṭte do bhitri raca reakʼ beṛhaeteakʼ bhitkoe benaokeda.

Sereńko 68:29

Jerusalemre mitʼṭecʼ oṛakʼ menakʼa: onḍege raj do am ṭhen sandesko idiya.

Johan sodor 12:16

menkhan dhạrti do uni maejiue goṛowadea. Ar uni biń do moca khon oka dakʼe oḍok ocoketʼ ona do dhạrti acʼakʼ mocae jhicʼketʼteye ańjetʼgotʼkada.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Esra 6:8

Ona chaḍa Isorakʼ ona oṛakʼ benao kạmire Jihudikoren murubbiko lạgitʼ cetʼko cekae lagaoape ona reaṅ iń hukum apekana. Ar ona kạmi jemon alo thirokʼ ona lạgitʼ noko hoṛkoakʼ purạ khoroc do rajakʼ khajańci khon emokʼ hoyokʼtapea, metakʼme phurạt gaḍa pạchim aṛe ṭoṭhako reakʼ raj bheja khon.

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

Esra 5:8

Maharaj baḍaekakʼme je, ale do Jihudạ reakʼ maraṅ Isorakʼ oṛakʼtele senlena. Onḍe hoṛko do lạṭu lạṭu dhirikote oṛakʼko benaoeda ar bhitkore do borgako bạisạueda. Ar ạḍi joton salakʼko kạmikana ar kạmiko do laha idikʼ kana.