Esra 5:2 - সান্তালী বাইবেল

² Unre Sealṭiyelren hopon Serubabel ar Josadakren hopon Jesua do Jerusalemre Isorakʼ oṛakʼ arhõ benao aroekin ehopʼena. Ar Isorren nạbikin hõ onko sãote tahẽkate goṛoako kin ehopʼena.

Esra 5:2 Referans Kwoze

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Esra 6:14

Hagai nạbi ar Eddor hopon Sakariạ do Isorakʼ katha lekate udgạukin emokʼkan tahẽkana ar ona são sãote Jihudiren murubbiko do gạthni reakʼ kạmiko laha idikeda. Israelkoren Isorakʼ hukum lekate ar Parasren raj Kores, Darjawes ar Artaksastokakʼ hukumte onko do mundil oṛakʼ reakʼ kạmiko sạtkeda.

2 Korinthiko 1:24

Mạlik leka apeakʼ biswạsrele tạkicʼ ocoyetʼpea ona do baṅ, bickompe rạskạkʼ onate apeko sãotele kạmikana, ente pạtiạure ape do khạṭikope hoyakana.

Sakariạ 6:11

Ona tayom do ona sona ar rupạte mitʼṭecʼ mukuṭem benaoa ar Jehosadak hopon maraṅ naeke Josuạ do bohokʼrem horokʼaea.

Esra 10:18

Okoe eṭakʼ jạtren kuṛiko baplaletʼko tahẽkan onkoakʼ tạlika do nonka leka: Naekeko modre Josadakʼ hopon Jesua ar uniren boehakoakʼ bõsrenko modre Makʼasia, Eliaser, Jarib ar Godlia.

Hagae 2:18

Teheń areakʼ cando reakʼ bargel ponakʼ dinre ińakʼ oṛakʼ reakʼ rehetʼ bạisạu hoyena. Ar ape lạgitʼ cetʼ iń cekae lạgidokʼkan onape ńela.

Esra 3:8

Jerusalemre Isorakʼ oṛakʼre seṭeren tayom dosar bochor reakʼ dosar candore Solṭiạlren hopon Serubabel, Josadakren hopon Jesua ar onkoren sarecʼ boehako do kạmiko ehopʼkeda. Noko boehako doko hoyokʼkana naekeko, liwiko ar eṭakʼ sanam hoṛko okoe do bondi dosa khon Jerusalemteko ruạṛ hecʼlen tahẽkan. Bargel bochor ar ona khon ḍher umerren liwiko do Probhu Isorakʼ oṛakʼ benao reakʼ ńel todarotreko bahal ocoyena.

Sakariạ 4:4

Iń do uni serma goḍetiń kulikedea, “E ińren kĩsạ̃ṛ, noako do cetʼkana?”

Sakariạ 4:14

Unre uniye menkeda, “Onakin do hoyokʼkana unkin bar hoṛ okoe do goṭa pirthimiren Probhu Isor sapʼsorae lạgitʼ kin ojokʼ bahal ocoakan.”

Sakariạ 8:9

“Iń phạdkoren Probhu Isorgeń meneda, ińakʼ oṛakʼ benao lạgitʼ rehetʼ bạisạu jokhecʼ nạbiko do ona kathageko roṛleda, ar ńitokʼ ape do inạ kathagepe ańjomeda; onate ape do daṛeanko hoyokʼpe.