Esra 5:11 - সান্তালী বাইবেল

¹¹ Onko doko roṛ ruạṛatʼlea, “Ale do ot ar sermaren Isorren golam kanale. Ale do ona mundil oṛakʼ arhõle benao aroyeda oka do Israelren mitʼṭen maraṅ raj ḍher serma lahareye benaoletʼ tahekan.

Esra 5:11 Referans Kwoze

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Romiko lạgitʼ Pạul Apostolakʼ ciṭhi 6:16

Ape do cetʼ bape baḍaea, golam leka jãhãeakʼ gobolrepe tahen ar uniyakʼ hukumkope bataotae enḍekhan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Aposkạmi 27:23

Ente ińiń okoeren kan ar okoeyiń sewawaekan uni Isorren mitʼṭen goḍet do ńindạ iń pheḍre teṅgoyenteye metadińạ,

Luk 12:8

“Ińiń metapekana, jãhãege hoṛko samaṅre ińe aṅgociń Manwa Hopon hõ uni do Isorren goḍetko samaṅreye aṅgocea.

Mathae 10:32

“Jãhãege hoṛko samaṅre ińe aṅgociń iń hõ ińren sermare menae Baba samaṅre uniń aṅgocea.

Jona 1:9

Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

Daniel 3:26

Unre Nebukadnesar do jolokʼkan bhaṭa reakʼ duạr ṭhen senkate ãṭ aṛaṅteye menkeda, “E maraṅ Isorren guti Sedrok, Mesak ar Abed-nego, dela oḍok hijukʼpe.” Ar onate Sedrok, Mesak ar Abed-nego do jolokʼkan seṅgel tala khonko oḍok hecʼena.

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

1 Rapajko 6:38

Goṭawakʼ lekate mundil oṛakʼ reakʼ sanamakʼ kạmi do gelmitʼ bochor reakʼ Bul cando, metakʼme irạlakʼ candore sạt utạrena. Solomon do niạ mundil benao sạtte eae bochor lagaoade tahẽkana.

Esra 5:10

Ar onkoakʼ ńutum hõle kuli akatʼkoa jemon onkoren mukhiyạkoakʼ ńutumle baḍae ocome arle ol doho daṛeakʼ.

Sereńko 136:26

Ape do sermaren Isor gun manao joharaepe; ente uniyakʼ dulạṛ do jaejuggetaea.

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

1 Rapajko 9:10

Probhu Isorakʼ oṛakʼ ar raj dolan benaote Solomon do bargel bochor lagaoade tahẽkana.