Esra 4:4 - সান্তালী বাইবেল

⁴ Unre onkoakʼ disạmreko girobasokʼ kan eṭakʼ eṭakʼ jạtrenko do Jihudạren hoṛkoakʼ tiko lạbṛukʼ ketʼtakoa ar botor udukʼakoko ehopʼena jemon ona oṛakʼ aloko benao daṛeakʼ.

Esra 4:4 Referans Kwoze

Esra 3:3

Onko do aḍepaseren hoṛko botoratʼkore hõ lahateakʼ rehetʼ cetanrege pinḍko benao arokeda ar ona cetanre setakʼ ar ạyupʼ jokhecʼ samaṅokʼakʼ oktere Probhu Isor ńutumte jeredokʼ samaṅokʼakʼko ehopʼena.

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Nehemiạ 4:11

Aleren bạirikoko meneda, “Onko ạuriko baḍaerege onko talare bon senokʼa ar bon gocʼkote kạmi bon bond oṭokakʼa.”

2 Samuel 4:1

Abner do Hebronreye gocʼena menteye ańjomketʼ khan Sạulren hopon Isboset do dile atʼketʼtaea ar Israelko hõ botor caṛhaoatʼkoa.

Esra 4:5

Onko upạrte kạmikate onkoakʼ monejoṅakʼko rạputʼ ocoytako lạgitʼ Paras rajren kạmiyạko ṭakako ematʼkoa. Onko do Keros rajakʼ rajokʼ oktere ar uni tayom Doreabosakʼ rajokʼ oktere hõ inạ kạmigeko kạmikeda.

Nehemiạ 4:2

Uni do acʼ sãoten hoṛko ar Samariạren lạṛhại phạdko samaṅreye menkeda, “Noko nijor Jihudiko do cetʼko cekayeda? Noko do cetʼ arhõ benao ruạṛ lạgitʼko muruk akada? Isorakʼ goṛo ńam lạgitʼ cetʼ janwarkoko samaṅkoa? Onko do cetʼ mitʼ dintegeko sạta? Jobra ḍạṅ khon cetʼ jiwetʼ dhiriko oḍok ocoya? Onako ma rapakʼ roṅgo akan coṅ!”

Daniel 10:13

Menkhan Paras rajosṭiren mukhiyạ do bargel pạhil din hạbicʼe tạkicʼ daramledińa. Unre Mikayel ńutuman mukhiyạ serma goḍetkoren mitʼṭen do iń goṛowạń lạgitʼe hecʼena, ente iń do Paras rajko talare iń eskargeń tahẽkana.

Daniel 10:20

Unre uni do ińe metadińa, “Amem baḍaea cetʼ lạgitʼ am ṭheniń hecʼakana? Sạriyakʼ puthire oka olakan ona baḍae ocome lạgitʼgeń hecʼakana. Parasren mukhiyạ upạrte lạṛhại lạgitʼ iń do usạrateń ruạṛ calakʼa ar ińiń calaolen tayom Junạnren mukhiyạ hõ lạṛhại lạgitʼe oḍok hijukʼa. Amren hoṛkoren mukhiyạ uni Mikayel chaḍa ar okoehõ uni upạrte teṅgo goṛowạńko do bạnukʼkoa.