Esra 4:12 - সান্তালী বাইবেল

¹² Maharaj do baḍae jạruṛtaea je, am ṭhen khon okoe Jihudiko ale ṭhenko hecʼakan onko do Jerusalemteko sen akana ar huhul ar bạṛicʼ nagraha arhõko benao rakapʼeda; onko do ona reakʼ bhit ar rehetʼko bạisạu aroyeda.

Esra 4:12 Referans Kwoze

Esra 5:9

Murubbikole kuliketʼkoa, “Mundil benao aroe lạgitʼ do okoeye hukum akatʼpea?”

Esra 5:3

Unre phurạt gaḍa pạchim aṛe reakʼ ṭoṭharen disạm cakʼlaoyicʼ Tatenai, Setharbosenai ar onḍenko maraṅ hudạren kạmiyạko do Jihudiko ṭhen senkateko menkeda, “Mundil oṛakʼ benao aroe reakʼ hukum do okoeye emakatʼpea?”

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

1 Thessalonikikko 5:22

ar joto lekan bạṛicʼakʼ khon sahaṛ akae tahenpe.

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Jirimiạ 52:3

Jerusalem ar Jihudạren hoṛko iạte Probhu Isor do edreteye jaljalaoena ar mucạtʼre acʼ samaṅ khon onkoe sạṅgiń giḍikatʼkoa. Tayomte Sedekiạ do Babelren raj upạrteye hulkeda.

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Esra 4:19

Ar ińiń hukumketʼ khan ona reakʼ khoj do hatao hoyakana ar baḍae ńam akana je, ḍher jug laha khonge ona nagraha do rapajko upạrteye hul ạguyeda; ona do nonkan mitʼṭecʼ jaega kana onḍenko hoṛ do ḍanṭaore tahen bako kusiyakʼa.

Esra 4:15

Onate raj do acʼren hapṛamkoakʼ Itihãs puthire sendrakateye ńelma. Ona puthire ol menakʼa, Jerusalem do mitʼṭecʼ huhul nagraha kana; niạ nagraha do rapajko ar disạmkoren cakʼlaoko ạḍi sasete em akatʼkoa ar ḍher laha khonge ona nagrahare do hulko hõ hoe hijukʼkana. Ar ona iạtege nagraha do ḍahao maraolena.

2 Rapajko 24:1

Jehoyakimakʼ rajokʼ oktere Babelren raj Nebukadnesar do Jihudạ disạme akromonkeda. Jehoyakim do pe bochor uniyakʼ gobolreye tahẽkana. Menkhan tayomte uni do Nebukadnesar upạrteye hulkeda.

2 Rapajko 18:20

Am do lạṛhại reakʼ bud ar daṛe menakʼtama mentem hudis joṅkan, khan noako do amakʼ luṭi reakʼ katha kana. Ar okoe cetanrem bhorsakʼkante iń upạrtem huhul kana?

Esra 4:11

Onko do Artaksasto raj ṭhen okaṭakʼ ciṭhiko olletʼ ona do nonka tahẽkana: “Amren gutiko, metakʼme phurạt gaḍa pạchim aṛeren hoṛko do Artaksasto raj ṭhenle oleda.

Ester 3:8

Haman do unre Ahasberos raje metadea, “Amakʼ rajosṭi reakʼ tabe disạmkore judạ judạ jạtrenko modre mitʼṭecʼ jạtrenko doko pasnao akana. Eṭakʼ sanam jạtrenko khon onkoakʼ ạn-ạriko do begargetakoa ar rajakʼ ạn hõ onko do bako manaoeda. Onate onko jiwetʼ dohoko do baṅ bhagea.

Daniel 3:8

Inạ oktere adom kạldi hoṛko do hecʼkate Jihudiko dusiketʼkoa.

Nehemiạ 6:6

Onḍe ol tahẽkana, “Eṭakʼ eṭakʼ jạtrenko ṭhen niạ katha ańjomokʼ kana ar Gemes hõe meneda, am ar Jihudiko do hul reakʼpe soṛojontro kana ar onate pạcripe benaoeda. Ona chaḍa niạko khobor lekate bujhạukʼ kana, am do onkoren raj hoyokʼem meneda.