Esra 3:7 - সান্তালী বাইবেল

⁷ Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

Esra 3:7 Referans Kwoze

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”

Aposkạmi 12:20

Ona oktere Herod do Tur ar Sidon nagraharen hoṛko cetanre ạḍiye edreyena. Unre onḍenko hoṛ do riạu mitʼkate Herod sãote ńapamokʼ lạgitʼko calaoena. Ar Blastos ńutuman rajakʼ giticʼ oṛakʼren kạmiạyicʼko rạmjạukedete onko do raj sãote sulukokʼ reakʼko koekeda, ente Herod rajakʼ disạm khonge ako lạgitʼ jomakʼ do hijukʼ kan tahẽkana.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Jona 1:3

Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.

Jeheskel 27:17

Jihudạ ar Israel do am sãotekin bạnij beparetʼ tahẽkana; unkin do amakʼ jinis bodolte guhum, jomakʼ jinis, toa, sunum, ar jut so mosola kin emam kan tahẽkana.

Aposkạmi 9:38

Jappo do Ludda sorre tahẽkana; onate celako do Patras Luddare menaea menteko ańjomketʼ khan bar hoṛ uni ṭhen kolketʼkinteko nehõradea, “Am do usarate ale ṭhen baṛe hijukʼme.”

Aposkạmi 9:43

Ar Patras do Joppare Simon ńutuman mitʼṭen hoṛakʼ oṛakʼre ḍher dine tahẽyena. Ar nui Simon do mitʼṭen camar hoṛe tahẽkana.

2 Samuel 5:11

Turren raj Hiram do Dạud ṭhen adom hoṛe kolketʼkoa ar onko sãote debdạru kaṭko, chutạr mistriko ar raj mistriko hõe kolketʼkoa. Onko do Dạud lạgitʼ mitʼṭen raj oṛakʼko benaokeda.

Esra 3:6

Probhu Isorakʼ oṛakʼ reakʼ rehetʼ baṅ hoyakan tahẽkanre hõ onko do eaeakʼ cando reakʼ pạhil din khon Probhu Isor ńutumte jeredokʼ samaṅokʼ reakʼ porobokʼko ehopʼena.

2 Rapajko 12:10

Nonkate tinreko ńelkeda ona baksare aema ṭaka jarwa akana unre rajren hoṛ ar naekeko hecʼkate Probhu Isorakʼ oṛakʼre ạguakʼ ṭaka lekhakate thạilạkʼreko bhoraokakʼ kan tahẽkana.

2 Rapajko 12:13

Koejoṅ oṛakʼ lạgitʼ oka ṭakako ạguiyetʼ tahẽkan onate do rupạ reakʼ bạṭiko, sultạ saphae reakʼ cimṭạko, chichiṭiạu bạṭiko, pẽpṛẽtʼko, se Probhu Isorakʼ oṛakʼ reakʼ sona-rupạ reakʼ eṭakʼ eṭakʼ bhajanko do bako benao ocoleda.

2 Bõsbudạ 34:10

Ona tayom onako ṭaka do Probhu Isorakʼ oṛakʼ reakʼ kạmi ńel todarot lạgitʼ okoeko cetanre bhar tahẽkan onkoko ematʼkoa. Ar ńel todarotko do mundil oṛakʼ jut aroe lạgitʼ mistrikoko ematʼkoa,