Esra 3:5 - সান্তালী বাইবেল

⁵ Ona tayom khon onko do dinạm hilokʼ reakʼ jeredokʼ samaṅokʼakʼ, ambas ńindạ reakʼ jeredokʼ samaṅokʼakʼ, Probhu Isor ńutumte niṭakatʼ porob reakʼ jeredokʼ samaṅokʼakʼ ar apnarakʼ kusite ạguakʼ jeredokʼ samaṅokʼakʼ samaṅko ehopʼena.

Esra 3:5 Referans Kwoze

Numeri 29:39

“Manot akatʼakʼ purạu ar apnarakʼ sanateakʼ samaṅokʼakʼ lekate okako jeredokʼ samaṅokʼakʼ, jomakʼ samaṅokʼakʼ, coḍor samaṅokʼakʼ ar sulukren samaṅokʼakʼpe samaṅ onako chaḍa hõ mimitʼ niṭakan porobre ona reakʼ lek lekan samaṅokʼakʼko Probhu Isor ńutumte samaṅ hoyokʼtapea.”

Dosar Biboron 12:17

Ona chaḍa apeakʼ, anaj, nãwã darkha rasa ar sunum reakʼ gel hạṭiń reakʼ mitʼ hạṭiń, ar ḍaṅgrako, bhiḍiko, meromkoren pạhil hoponko, apeakʼ manot akatʼakʼko, tulokʼ samaṅokʼakʼko ar kusiteakʼ danko do apeakʼ nij ato se nagrahakore jom do baṅ ganokʼtapea.

Dosar Biboron 12:6

Ape do aperen jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar manotakʼ samaṅokʼakʼ, kusiteakʼ samaṅokʼakʼ ar aperen ḍaṅgrako, bhiḍiko ar meromkoren pạhilicʼ hoponge onḍepe idikoa.

Numeri 29:13

Probhu Isore kusiyakʼ jut so lekate seṅgelteakʼ mitʼṭecʼ samaṅokʼakʼpe samaṅa. Ona lạgitʼ gelpe goṭen ḍaṅgra, barea bheḍa ar gelpon goṭen mitʼ bochor umerren bheḍa hoponkote mitʼṭecʼ jeredokʼ samaṅokʼakʼpe samaṅa. Ar noko joto do niphuṭ utạrkoko hoyokʼma.

Numeri 29:8

Ar Probhu Isor kusi ocoye reakʼ jut so lekate aperen mitʼṭen ḍaṅgra, mitʼṭen bheḍa ar eae goṭen mitʼ bochorren bheḍa hoponkote jeredokʼ samaṅokʼakʼ pe samaṅa. Menkhan onko mimitʼko do niphuṭ utạrko jemonko hoyokʼ.

Numeri 29:2

Probhu Isor kusi ocoye reakʼ jut so menkate ape do enhilokʼ mitʼṭen ḍaṅgra, mitʼṭen bheḍa ar eae goṭen mitʼ bochor umerren bheḍa hoponpe ạgukoa ar mitʼṭecʼ jeredokʼ samaṅokʼakʼpe samaṅa. Ar noko do niphuṭ utạrko hoyokʼ jạruṛtakoa.

Numeri 28:27

Enhilokʼ ape do Probhu Isor kusi ocoye lạgitʼ jut so lekate aperen barea ḍaṅgra, mitʼṭen bheḍa ar eae goṭen mitʼ bochor umerren bheḍa hoponkote mitʼṭecʼ jeredokʼ samaṅokʼakʼ reakʼ porobpe hoeocoya.

Numeri 28:19

Enhilokʼ do Probhu Isor ńutumte seṅgelteakʼ samaṅokʼakʼ menkate barea ḍaṅgra, mitʼṭen bheḍa ar eae goṭen mitʼ bochor umerren bheḍa hoponkote jeredokʼ samaṅokʼakʼpe samaṅa. Ar onko do jemon jotoge niphuṭ utạrko hoyokʼ.

Numeri 28:14

Coḍor samaṅokʼakʼ lạgitʼ mimitʼ ḍaṅgra sãote mitʼ liṭer pe poa darkha rasa emokʼ hoyokʼa; bheḍa sãote do mitʼ liṭar mitʼ poa ar mimitʼ bheḍa hoponko sãote mitʼ liṭer sunum emokʼ hoyokʼa. Noa do cando reakʼ jeredokʼ samaṅokʼakʼ kana. Noa do cando pichạ goṭa bochorge korao hoyokʼa.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Esra 3:6

Probhu Isorakʼ oṛakʼ reakʼ rehetʼ baṅ hoyakan tahẽkanre hõ onko do eaeakʼ cando reakʼ pạhil din khon Probhu Isor ńutumte jeredokʼ samaṅokʼ reakʼ porobokʼko ehopʼena.

Jirimiạ 33:18

Iń samaṅre teṅgokate jaoge jeredokʼ samaṅokʼakʼ lạgitʼ, jomakʼ samaṅokʼakʼ lạgitʼ ar janwar samaṅokʼakʼ lạgitʼ Liwi naekeko modre hõ bako khạntikʼa.”

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.

Nehemiạ 10:34

Aleakʼ ạn-ạrire cetʼleka ol menakʼ ona leka aleren Probhu Isorakʼ pinḍre jeredokʼ lạgitʼ jao bochor niṭ akatʼ oktere aleren Isorakʼ oṛakʼre mitʼke mitʼ bõsko tinre kaṭ ạgu lagao akoa ona ṭhik lạgitʼ ale do, metakʼme naekeko, liwiko ar hoṛkole gulibãṭkeda.