Esra 3:12 - সান্তালী বাইবেল

¹² Menkhan ḍherkoge tinre rạskạteko andoṛkeda unre okoe do lahateakʼ koejoṅ oṛakʼko ńelletʼ onkan ḍher haṛam naekeko, liwiko ar bõsren mathako do niạ koejoṅ oṛakʼ reakʼ rehetʼ ńelte ạḍi ãṭko rakʼkeda.

Esra 3:12 Referans Kwoze

Hagae 2:3

‘ape talare nonkan okoe menaea one uni do noa oṛakʼ reakʼ lahateakʼ ṭhonoke ńelakatʼ? Ar ńitokʼ ona do cetʼ lekae ńeleda? Ape do cetʼ bape hudisetʼkana, lahateakʼ khon noa do cetʼge baṅkana mente?’

Sakariạ 4:10

Nunạkʼ din oka kạmi hoyakan ona do hoṛko nihạ̃t giḍi akada. Menkhan Serubabelakʼ tire sạhul baber ńelte hoṛ doko rạskạkʼa.” Ona tayom iń ańjomkeda, “Niạ eae goṭecʼ diuhe do hoyokʼkana Probhu Isorakʼ mẽtʼ oka do goṭa dhạrtiye ńeletʼkan.”

Jesaea 60:22

Ape modre huḍiń utạricʼ do hajar hajare saṅgekʼa, ar kạṭicʼ utạricʼ do daṛean jạtgeye hoyokʼa. Iń kangeạń Probhu Isor do; okte nạpitre ińge usạrateń hoeocoya.”

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Sereńko 126:6

Ar okoe hoṛ rakʼ rakʼte itạ erokʼe calakʼkan uni do phosol reakʼ binḍạwante hulạsate khạṭigeye ruạṛ hijukʼa.

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.

Esra 3:13

Hoṛko do nunạkʼko andoṛkeda je, okaṭakʼ do rạskạteakʼ ar okaṭakʼ do homorteakʼ rakʼ kana ona do okoege bako bujhạu daṛeada. Ona aṛaṅ do ḍher sạṅgiń khon hõ ańjomena.

Jirimiạ 50:4

Onako dinre ar ona jokhecʼ Israel ar Jihudạren hoṛko do mitʼteko hijukʼa ar rakʼ rakʼteko hijukʼa ar onkoren Probhu Isorko ńam baṛayea.

Sereńko 147:1

Probhuakʼge sarhao hoyokʼtae ma. Aboren Isor oṛhẽ sereńae do bhagegea! Ona do samani mońj! Uni gun manao joharae do lek kangea!