Esra 3:11 - সান্তালী বাইবেল

¹¹ Onko do Probhu Isorakʼ sarhao ar ṭhonok reakʼ sereń sereńteko menkeda, “Uni doe bhạlạyạnicʼ kana, Israelko cetanre uniyakʼ daya do jaejug hạbicʼ tahenkana.” Probhu Isorakʼ oṛakʼ reakʼ rehetʼ bạisạuen khan sanam hoṛko do ãṭ aṛaṅte Probhu Isorko sarhaokedea.

Esra 3:11 Referans Kwoze

1 Bõsbudạ 16:34

Probhu Isorge gunmanao joharaepe, ente uni doe bhagegea; ar uniyakʼ daya do jaejug hạbicʼ tahẽ akae tahenkana.

Sereńko 106:1

Probhu Isorakʼge sarhao hoyokʼtae ma. Ape do Probhu Isor gunmanao joharaepe, ente uni doe bhagegea; ar uniyakʼ daya do jaejug hạbicʼ tahenkana.

Sereńko 107:1

“Probhu Isor sarhaoepe, ente uni doe bhagegea; ar uniyakʼ daya do jaejug hạbicʼ tahenkana.”

Sereńko 103:17

Menkhan okoe do Probhu Isorko sewawae kan ar uniyakʼ bondobosko manaoetʼkan ar ona reakʼ niạm leka calakʼko menetʼkan onko cetanre uniyakʼ dulạṛ ar pạtiạr do jaejug hạbicʼ piṛhike piṛhi tahena.

Sereńko 135:3

Probhu Isor sarhaoepe, ente uni doe bhagegea; uniyakʼ ńutum õṛhẽtaepe, ente ona do ạḍi bhagegea.

Sereńko 118:1

Probhu Isor sarhaoepe, ente uni doe bhagegea; uniyakʼ daya do jaejug hạbicʼ tahẽnkana.

2 Bõsbudạ 7:3

Seṅgel pheḍ hijukʼko ńelketʼte ar koejoṅ oṛakʼ coṭre Probhu Isorakʼ ṭhonokko ńelketʼte sanam Israelko do dhirite tol akatʼ racareko ombakʼente Probhu Isorko ḍobokʼadea ar niạ menkateko sarhaokedea, “Uni doe bhạgangea; uniyakʼ daya do jaejug hạbicʼ tahenkana.”

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Nehemiạ 12:24

Liwikoren mukhiyạ Hasabia, Serebia, Kadmiyelren hopon Josua ar onkoren bõsren hoṛko do Isorren hoṛ Dạudakʼ katha lekage eṭakʼ dolren samna sạmni teṅgokate Isor sarhao arko gun manao joharae kan tahẽkana.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Exodus 15:21

Moseyakʼ sereń reakʼ roṛ ruạṛre Mạriạm do noa sereńe sereńkeda; “Ape do Probhu Isor ńutumte sereńpe, ente hoṛkoakʼ mẽtʼãhãre uniyakʼ ṭhonok do maraṅena. Sadomko ar aswariko do unige doreão dakʼreye khadleketʼkoa.”

Luk 1:50

Ar okoe uniko sewawaekan uni do onkoreye dayakʼ kana, piṛhi cetan piṛhige.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 6:3

Onko do hohowateko menjoṅ kan tahẽkana, “Phạdkoren Probhu Isor doe sonot, sonot, sonotgea; Goṭa dhạrti do uniyakʼ ṭhonokte perecʼgea.

Sereńko 47:1

E sanam jạtrenko, ape do thayoype; ar Isor ńutumte hulạs aṛaṅpe.

1 Bõsbudạ 16:41

Onko sãote Hemon ar Jiduthon ar sarecʼ hoṛko tahẽkana, ar okoekoakʼ ńutum roṛ rakapʼkate bachao hoylena jemon onko do Probhu Isorakʼ jaejug hạbicʼ daya lạgitʼ uniko sarhao daṛeae.

Nehemiạ 12:40

Ona tayom banar sereń dolko do gun manao johar emkate onko do Isorakʼ oṛakʼre akoakʼ jaegare senkateko teṅgoyena. Iń ar iń sãote cetan hudạren adha kạmiyạko hõle teṅgoyena.

Sereńko 47:5

Isor do hulạs aṛaṅre menaea, Probhu do sakwa reakʼ sạderege menaea.

Josuạ 6:5

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Josuạ 6:16

Ar eae dhao ạcurokʼ jokhecʼ tinre naekeko do sakwa mitʼ dhaoteko oroṅkeda unre Josuạ do hoṛkoe hukumatʼkoa, “Ãṭ aṛaṅte hohoepe, ente Probhu Isor do nagrahae jimạ akatʼbona.

Josuạ 6:10

Josuạ do laharege hoṛko noae hukumatʼko tahẽkana, “Ape do ãṭ aṛaṅte alope hohoya se aṛaṅate alope roṛa se mocate jãhãn saḍe hõ alope oḍoka. Menkhan oka hilokʼ ãṭ aṛaṅte hohoń metape eken enhilokʼge ãṭ aṛaṅtepe hohoya.”

Sereńko 100:5

Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Hagae 2:3

‘ape talare nonkan okoe menaea one uni do noa oṛakʼ reakʼ lahateakʼ ṭhonoke ńelakatʼ? Ar ńitokʼ ona do cetʼ lekae ńeleda? Ape do cetʼ bape hudisetʼkana, lahateakʼ khon noa do cetʼge baṅkana mente?’