Esra 3:10 - সান্তালী বাইবেল

¹⁰ Ado rajmistriko Probhu Isorakʼ oṛakʼ reakʼ rehetʼ tinreko bạisạukeda unre Israelren raj Dạudakʼ hukum leka Probhu Isorakʼ ṭhonok hoyokʼ lạgitʼ naekeko do akoakʼ kicricʼko horokʼketʼte sakwako hataokeda ar liwiko mod khon Ashapren hoponko do kortalante apan ạpin jaegareko teṅgoyena.

Esra 3:10 Referans Kwoze

Sakariạ 4:10

Nunạkʼ din oka kạmi hoyakan ona do hoṛko nihạ̃t giḍi akada. Menkhan Serubabelakʼ tire sạhul baber ńelte hoṛ doko rạskạkʼa.” Ona tayom iń ańjomkeda, “Niạ eae goṭecʼ diuhe do hoyokʼkana Probhu Isorakʼ mẽtʼ oka do goṭa dhạrtiye ńeletʼkan.”

2 Bõsbudạ 35:15

Dạud, Ashap, Heman ar rajren ńeńelicʼ Jeduthun tekoakʼ hukum leka Ashap bõsren sekʼreńko ar bajnadarko do apan ạpin jaegareko tahẽkana. Ar mitʼke mitʼ phaṭok duạrre do rurukhiyạkoko tahẽkana. Onko do kạmi bạgi oṭowakʼ jạruṛge baṅ hoylentakoa, ente onkoren Liwi boehako do onko lạgitʼko bebosta akatʼ tahẽkana.

1 Bõsbudạ 16:42

Isor ńutumte sereń jokhecʼ pẽpṛẽtʼ kortal ar eṭakʼ bajnako rui lạgitʼ si Hemon ar Jiduthon cetanre bhar tahẽkana. Ar Jiduthon bõsren hoṛko do rurukhiyạ lekateko bahal ocolena.

1 Bõsbudạ 16:37

Din hilokʼ reakʼ jaruṛokʼakʼko sapʼ sosor lạgitʼ Dạud do Probhu Isorakʼ bondobos sinduk ṭhen Asaph ar uniren hoṛkoe dohoketʼkoa.

1 Bõsbudạ 15:27

Sinduk gokʼ idiyetʼkan Liwiko, gaenahako ar sereń dolrenkoe ạyuretʼko Kononiạ do mĩhĩ musnạ kicricʼe horokʼ akatʼ tahẽkana. Ar Dạud hõ mĩhĩ musnạ kicricʼ ar ephode horokʼleda.

1 Samuel 22:18

Unre raj do Doege metadea, “Enḍekhan amge senkate naekeko gocʼkom.” Edomren Doeg do enhilokʼ irạlgel mõṛẽ naekeye gocʼketʼkoa. Unre naekekoakʼ hoṛmore do mĩhĩ musnạ kicricʼ reakʼ ephod tahẽkana.

Esra 5:16

Onate Sesbasar do Jerusalemte hecʼkate Isorakʼ oṛakʼ reakʼ rehetʼe bạisạukeda. Ar enhilokʼ khon teheń hạbicʼ ona reakʼ benao kạmi calakʼ kana ar ạuri sạtokʼa.”

Sereńko 150:5

Kajak saḍekan kortalte uni sarhaoepe, ar chaṅ chaṅokʼkan kortalte uni sarhaoepe.

Hagae 2:15

Ar ńit khon noa babotre mońjte hudisokʼpe, ińakʼ oṛakʼre tinre mitʼṭecʼ dhiri cetanre armitʼṭecʼ dhiri tahẽkana unre cetʼ dosa tahẽkana.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Sakariạ 4:7

E maraṅ utạrakʼ buru, am dom okoekana? Serubabel samaṅre am do ot lekagem hoyokʼa. Koejoṅ oṛakʼ reakʼ mucạtʼ dhiri bạisạu jokhecʼ hoṛ do hohokateko mena, ạḍi mońjge hoyakana.’ ”

Sakariạ 6:12

Arem metaea, phạdkoren Probhu Isore meneda, ‘nuige uni hoṛ do, one uniyakʼ ńutum do dare reakʼ kahle kan; uni do acʼakʼ ṭhạ̃i khone hara rakabokʼa ar Probhu Isorakʼ oṛakʼe benaoa.

Sakariạ 7:3

Onko do phạdkoren Probhu Isorakʼ oṛakʼren naekeko ar nạbiko noa katha kuli lạgitʼko kolketʼkoa, “Unạkʼ bochor okalekale ceka ạguakatʼ onkage cetʼ mõṛẽakʼ candorele homor halaṅa arle upạsa?”

1 Bõsbudạ 25:25

Gel irạlakʼ gulibãṭre do Honaniakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

2 Bõsbudạ 35:14

Ona tayom onko do apnar ar naekeko lạgitʼko bebostakeda, ente naekeko, metakʼme Aronren bõsko do jeredokʼ samaṅokʼakʼ jinisko ar itilko ńindạ hạbicʼko samaṅkeda. Ona iạte Liwiko do apnar ar Aron bõsren naekeko lạgitʼko bebostawana.

Esra 2:41

Sekʼreńkoakʼ lekha do nonka; Asaph bõsren mitʼsae bargel irạl hoṛ.