Esra 3:1 - সান্তালী বাইবেল

¹ Israelko do apan ạpin ato ar nagrahare girobasokʼko ehopʼen tayom eaeakʼ candore sanam hoṛko do mitʼ domte Jerusalemreko jarwayena.

Esra 3:1 Referans Kwoze

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn doladuli alo tahen ma, bickom ape do mitʼmon ar mitʼakan tahenpe.

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

Aposkạmi 2:46

Onko do din hilokʼ mundilreko jarwakʼkan tahẽkana ar oṛakʼ oṛakʼ piṭhạ kecag tulucʼ rạskạ salakʼ soṛa monte mitʼteko jom ńũiyetʼ tahẽkana.

Sephaniạ 3:9

Ar ona tayom do jạt jạtrenko napae alaṅiń emakoa jemon jotokoge ińko sewawạń ar jotoko mitʼ jomokteko dewa sewa daṛeạń.

Nehemiạ 8:14

Onko do ạn tạrire noako ńamkeda Probhu Isor do Mose hotete niạ hukume emakana je, eaeyakʼ cando reakʼ porob jokhecʼ Israelko do chamḍa oṛakʼkoreko tahena,

Nehemiạ 7:73

Naekeko, Liwiko, rurukhiyạko, sekʼreń dolko, mundil oṛakʼren sapʼdapʼko ar eṭakʼ hoṛko, metakʼme sanam Israelko do eaeakʼ cando ạurirege apan ạpin ato ar nagrahare girobasokʼko ehopʼena.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Levitikus 16:29

“Inạ tayom okań menetʼ ona do ape lạgitʼ mitʼṭecʼ tahẽ utạrakʼ niạmge tahena. Bochor reakʼ eae cando reakʼ gelakʼ dinre ape do apeakʼ ontorpe nindhạn ocoytapea. Enhilokʼ do cetʼge alope kạmiya. Israelkoge cetʼ ar Israelko talareko girobasokʼkan eṭakʼ jạtren hoṛkoge cetʼ, ona do sanamko manao hoyokʼtapea,

Nehemiạ 8:1

Eaeakʼe cando lahare sanam hoṛko do mitʼ sãote dakʼ phaṭok samaṅre maedanreko jarwayena. Unre dhorom guru Esra do Israelko lạgitʼ Probhu Isorakʼ emakʼ hukum, metakʼme Moseyakʼ ạn-ạri puthi ạgu darako metadea.

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Nehemiạ 7:72

Ar sarecʼ hoṛko do jotote mitʼsae pegel keji sona, mitʼ hajar pesae keji rupạ ar naekeko lạgitʼ do turuigel eae goṭecʼ kicricʼko emena.