Esra 2:1 - সান্তালী বাইবেল

¹ Babelren raj Nebukadnesar do okoeko hoṛ bondikate Babelteye idiletʼko onko modren ḍherkoge Jerusalem ar Jihudạre apan ạpin nagraha ar atoteko ruạṛ hecʼena.

Esra 2:1 Referans Kwoze

2 Rapajko 25:11

Ar nagraharen sarecʼ hoṛko okoe do Babel raj secʼko hoylen onko sanamkoge rurukhiyạ dolren subedar Nebusaradan do bondikateye idiketʼkoa,

Aposkạmi 23:34

Disạm cakʼlaoyicʼ do ciṭhiye paṛhaoketʼ khan Pạul oka jaegaren hoṛ kanae menteye kulikedea. Ar Pạul do Kilikiạ disạmren hoṛ kanae menteye baḍaeketʼ khan uni doe menkeda,

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Rak̕joṅ 4:22

E Sion hoponera, amakʼ sạjại do cabakʼa; bondi dosare do ar bam tahena; menkhan E Edom hoponera, uni do behokakʼ reakʼ sạjạiyiń emama ar amakʼ kạiye sodortama.

Rak̕joṅ 1:5

Uni upạrtenko do uniren kisạ̃ṛko hoyakana; Uniren bạiriko do khạtirjomako tahenkana. Uniyakʼ ḍher ghạṭ iạte Probhu do dukreye paṛao ocoakadea. Uniren kạṭicʼ gidrạko do bondikate bạiriko laha lahateko senakana.

Rak̕joṅ 1:3

Kosṭo ar kajak khaṭaokʼ tayom Jihudạ do sạṅgińteye bondi idi ocoakana. Uni do eṭakʼ jạtrenko talareye girobasokʼ kana; ar okarehõ jirạu do bae ńam akada. Okoe uniko khudạulede onko do uniyakʼ dạrun dukko talatege uniko sapʼ tiyokʼ akadea.

Ester 8:9

Onako din reakʼ tesar cando, metakʼme Siwan cando reakʼ bargel tesar hilokʼre rajren olokʼkoko hoho ocoyena. Ar Mordekaiyakʼ hukum lekate Bharot khon Kus hạbicʼ mitʼsae bargel eae tabe disạmren Jihudiko, tabe disạm cakʼlaoko, cetan hudạren kạmiyạko ṭhen ciṭhi ol hoyena. Ar niạ ciṭhiko do mimitʼ tabe disạm reakʼ harop ar mimitʼ tabe disạm reakʼ pạrsi lekate ar Jihudikoakʼ harop ar pạrsi lekate olena.

Ester 1:8

Rajakʼ hukumte neota akanko do akoakʼ mon bhor ńu reakʼ hukumko emocolena, ente tinạkʼko khoj unạkʼge emako lạgitʼ raj do acʼren gutikoe hukumatʼko tahẽkana.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

Ester 1:1

Ahasberos raj do tinre Susan gaṛre acʼakʼ siṅghạsonre duṛupʼkate rajosṭiye calaoetʼ tahẽkana unre niạko ghoṭna do hoylena. Nui Ahasberos do bharot disạm khon Kus hạbicʼ mitʼsae bargel eae disạm cetanreye rajokʼkan tahẽkana.

Esra 6:2

Onare Media disạmren Ekbatana ńutuman raj nagrahare mitʼṭecʼ guṛhạ puthi ńamena. Onare niạ katha ol tahẽkana: Dikʼsạ dohowakʼ

Esra 5:8

Maharaj baḍaekakʼme je, ale do Jihudạ reakʼ maraṅ Isorakʼ oṛakʼtele senlena. Onḍe hoṛko do lạṭu lạṭu dhirikote oṛakʼko benaoeda ar bhitkore do borgako bạisạueda. Ar ạḍi joton salakʼko kạmikana ar kạmiko do laha idikʼ kana.

Esra 1:11

Onḍe do jotote mõṛẽ hajar ponsae sona ar rupạ reakʼ jinisko tahẽkana. Bondi dosare bidisiạre girobasokʼ kan hoṛko do tinre Babel khon Jerusalemteko hecʼena unre Sesbasar do niạko jinis soṅgeteye ạgu darakeda.

Esra 2:2

Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Ar okoe Israel herel hoponko ruạṛ hecʼlen onkoakʼ lekha do nonka leka tahẽkana:

Esra 8:35

Bondi dosa khon ruạṛ hecʼen hoṛko do Israelren Isor ńutumte jeredokʼ samaṅokʼakʼko samaṅkeda. Onko do goṭa Israel jạtrenko lạgitʼ gelbar goṭen ḍaṅgra, aregel turui goṭen bheḍa, eaegel eae goṭen bheḍa hopon ar kại ńutumte samaṅokʼakʼ lạgitʼ gelbar goṭen meromko emena. Noko jotoge Probhu Isor ńutumte jeredokʼ samaṅokʼakʼ mente em hoyena.

Nehemiạ 12:1

Okoeko naeke ar liwiko do Sealṭiyelren hopon Serubabel ar Jesua sãote bondi dosa khonko ruạṛ hecʼlen onko doko hoyokʼkana: Naekeko modre Seraya, Jeremiạ, Esra,

1 Bõsbudạ 9:1

“Israelren rapajkoakʼ puthire sanam Israelkoakʼ bõsbudạ do ol akana. Jihudạren hoṛkoakʼ bepạtiạu iạte onko do Babelteko bundi idiocolena.

1 Bõsbudạ 9:2

Ar okoe do pạhilteko ruạṛ hecʼen ar apnarakʼ nagraha ar atore apnarakʼ jaega jumi cetanre arhõ girobasokʼko ehopʼen onko do naekeko, Liwiko, koejoṅ oṛakʼren sapʼsorko ar eṭakʼ Israelkoko tahẽkana.

Esra 2:70

Ar naekeko, Liwiko, sekʼreńko, koejoṅ oṛakʼren rurukhiyạko ar sapʼsosorko ar eṭakʼ hoṛko, metakʼme sanam Israelko do apan ạpin ato ar nagrahare girobasokʼko ehopʼena.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jirimiạ 50:19

Menkhan Israel do acʼakʼ ạtiń ṭạnḍiteń ruạṛ ạguiyea uni do Karmel ar Basanreye ạtińa; Ephrayim ar Gilead reakʼ burukore acʼakʼ jiwiye tirpit ocoytaea.