Esra 10:9 - সান্তালী বাইবেল

⁹ Pe din bhitrire Jihudạ ar Benjạmin ṭoṭharen sanam hoṛ do Jerusalemre hecʼkateko jarwayena. Ar areyakʼ cando reakʼ bargelakʼ dinre sanam hoṛ do Isorakʼ oṛakʼ samaṅ reakʼ maedanre ona babotreko duṛupʼena ar jạṛi dakʼ iạteko thar tharaoena.

Esra 10:9 Referans Kwoze

Jirimiạ 10:13

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoe koe oḍok ạguiyeda.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Ester 2:16

Ahasberos rajakʼ rajokʼ eae bochor reakʼ gelakʼ candore, metakʼme Tobet candore Ester do raj doṅgolte raj ṭhenko idikedea.

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Esra 10:3

Onate dela bon, aboren Isor samaṅre niạ bon kiriạkʼma, ińren kisạ̃ṛ amakʼ sopolha lekate ar aboren Isorakʼ hukum okoeko botorakʼ kan onkoakʼ solha hotete ale do noko sanam maejiuko ar onkoren gidrạkole bạgi giḍiyakoa. Ar ona do ạn lekatege hoyokʼma.

Esra 10:8

Jãhãege pe din bhitrite bae hạjirokʼ, uniyakʼ somppoti do cetan hudạren kạmiyạko ar mukhiyạkoakʼ sopolha lekate dokholokʼtaea ar bondi dosa khon ruạṛ hecʼakan hoṛkoakʼ somaj khon hõe oḍok ocokʼa.

Esra 10:10

Unre naeke Esra do teṅgoyente onkoe metatʼkoa, “Ape do bepạtiạrkope hoyakana, ar judạ judạ jạtren kuṛikope bapla akatʼkote Israelkoakʼ kại tulucʼ arhõ kạipe juṭucʼ akada.

Jirimiạ 36:22

Unre areakʼ cando tahẽkana. Ar raj do rabaṅ din khemao reakʼ oṛakʼreye duṛupʼ akan tahẽkana ar uni samaṅre seṅgel reakʼ karahere seṅgel do jolokʼkan tahẽkana.