Esra 10:8 - সান্তালী বাইবেল

⁸ Jãhãege pe din bhitrite bae hạjirokʼ, uniyakʼ somppoti do cetan hudạren kạmiyạko ar mukhiyạkoakʼ sopolha lekate dokholokʼtaea ar bondi dosa khon ruạṛ hecʼakan hoṛkoakʼ somaj khon hõe oḍok ocokʼa.

Esra 10:8 Referans Kwoze

Esra 7:26

Okoe aperen Isorakʼ ạn-ạri se rajakʼ hukum bako manao onko do ṭhik lekape sạjạikoa. Ona sạjại do hoedaṛeakʼ khan gujukʼ hoyokʼtaea se disạm khone laga oḍok ocokʼa se sompottiye behat ocokʼa se hajot khanareye bhorao ocokʼa.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 9:34

Khange mukhiyạko doko metadea, “Am ma kạirem janam akan ar alem cetʼale kana?” Noa menkate onko do somaj khonko oḍok gotʼkadea.

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Mathae 18:17

Ar onkoakʼ katha hõ bae ańjomle khan enḍekhan manḍerrenko lạiyakome. Ar manḍerrenkoakʼ katha hõ bae ańjom khan uni do boṅgan hoṛ jạtren se mạsul uṭhạu hoṛko leka bujhạuem.

Nehemiạ 13:3

Hoṛko do Ạn-ạri reakʼ niạ katha ańjomkate sal mesal jạtren sanam hoṛko Israel somaj khonko begarketʼkoa.

1 Samuel 11:7

Uni do barea ḍaṅgrae hataoketʼkinte unkine samakʼ kaṭra kuṭrạketʼ kinạ. Ar ona tayom onako kaṭra kuṭrạ do hoṛ kolkate Israel disạm reakʼ sanam jaegareye kolkeda ar noa katha lại pasnao lạgitʼe metatʼkoa, “Jãhãege Sạul ar Sạmuel sãote bae midokʼ onkoren gại ḍaṅgrawakʼ halot hõ nonkage hoyokʼtakoa.” Probhu Isor do Israelkoakʼ monre mitʼṭecʼ botore rakapʼ ocoketʼtakoa, ar onko do mitʼte jotoko oḍok hecʼena.

Bikʼcạrko 21:5

Mispare onko do mitʼṭecʼ kajakko kiriạyena, ona do noage je, Mispare Probhu Isor samaṅre jãhãege bae hạjirokʼ enḍekhan uni do khạṭigeye gocʼ ocokʼa. Ar onate onko do apan ạpin kupulikʼko ehopʼena, “Israelren sanam gusṭiko khon okoe Mispate Probhu Isor samaṅre bako hecʼakana?”

Josuạ 6:19

Sanam sona, rupạ ar pitạl ar mẽṛhẽtʼ reakʼ jinisko Probhu Isor ńutumte begar akana; ar ona iạte onako do uniyakʼ khajańci kandhare calakʼa.”

Levitikus 27:28

“Jãhãe hoṛ acʼren jãhãnicʼge Probhu Isor ńutumte marao reakʼe sarapae enḍekhan uni do ar bae ạkhriń daṛeaea se bae chaḍao daṛeaea. Baṅ do gharońj reakʼ jumige cetʼ ar manwa se mĩhũ-meromge cetʼ. Nonkanakʼ jãhãnakʼge maraoakʼ reakʼ sarapakʼ tabere sodorokʼ ona jotoge Probhu Isor ńutumte sonotakʼ jinis kana.

Esra 10:7

Bondi dosa khon ruạṛ hecʼakan sanam hoṛko jemon Jerusalemre hecʼkateko jarwakʼ onate Jihudạ ar Jerusalem reakʼ sanam jaegare mitʼṭecʼ lại jạhirakʼ do hoyena.

Esra 10:9

Pe din bhitrire Jihudạ ar Benjạmin ṭoṭharen sanam hoṛ do Jerusalemre hecʼkateko jarwayena. Ar areyakʼ cando reakʼ bargelakʼ dinre sanam hoṛ do Isorakʼ oṛakʼ samaṅ reakʼ maedanre ona babotreko duṛupʼena ar jạṛi dakʼ iạteko thar tharaoena.

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.