Esra 10:6 - সান্তালী বাইবেল

⁶ Ona tayom Esra do Isorakʼ oṛakʼ samaṅ khon Eliasibren hopon Jehohananakʼ kandhateye boloyena. Onḍe uni do cetʼge bae jom ńuleda, ente bondi dosa khon ruạṛ hecʼakan hoṛkoakʼ bepạtiạr iạteye hirdạnikʼ kan tahẽkana.

Esra 10:6 Referans Kwoze

Dosar Biboron 9:18

“Probhu Isorakʼ mẽtʼãhã samaṅre nonkanakʼ kạikate ape do uniyakʼ edrepe rakapʼ ocoketʼtaete iń do lahate leka arhõ pongel siń ar pongel ńindạ Probhu Isor samaṅre ikhṛum hapegeń tahẽyena; dakʼ se piṭhạ cetʼge bạń jom ńũleda.

Nehemiạ 12:22

Eliasib, Joyada, Johanan ar Jadua teko oktere Liwiko ar naekekoakʼ bõsren mathakoakʼ ńutum do tạlikare ol hoylena, ar ona do Perosren raj Darjawesakʼ rajokʼ oktere sạtena.

Nehemiạ 3:1

Maraṅ naeke Eliasib ar uni sãoten naekeko do kạmireko dhurạuente bhiḍi duạrko benao arokeda. Onko do Isor ńutumte onako sonotketʼte ona reakʼ silpińko lagaoada. Ona tayom Humaya gaṛ ar Hananel gaṛ hạbicʼ pạcriko gathaoketʼte ona banar hĩs hõko samaṅkeda.

Daniel 9:3

Ona iạte iń do upạskate, gõṛẽ kicricʼ horokʼkate ar torocʼ ojokʼkate nehõr salakʼ Probhu Isor ṭheniń koejoṅana.

Jesaea 22:12

Enhilokʼ phạdkoren Probhu Isor do rakʼ ar homor lạgitʼ, bohokʼ reakʼ upʼ hoyo poṭortape lạgitʼ ar gõṛẽ kicricʼ horokʼ lạgitʼe hohowatʼpe tahẽkana.

Jobakʼ 23:12

Uniyakʼ hukum khon do bạń ocokʼ akana; Ińakʼ jạruṛ jomakʼ khon hõ uniyakʼ moca kathage iń ṭhen do bạ̃ṛti damanakʼ tahẽkana.

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Nehemiạ 12:10

Josuạren hopontetʼakʼ ńutum do Joyakin, Joyakinren hopon do Eliasib, ar Eliasibren hopon do Joyada;

Nehemiạ 3:20

Ona tayom Sabairen hopon Baruk do pạcri reakʼ konac khon maraṅ naeke Eliaserakʼ oṛakʼ duạr hạbicʼ mon lagaokateye jut arokeda.

Esra 10:1

Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Exodus 34:28

Sinại burure Mose do Probhu Isor ṭhen pongel siń ar pongel ńindại tahẽkana. Ar inạ oktere uni do piṭhạ se dakʼ cetʼge bae jom-ńũleda. Probhu Isor do dhiri cạktikin cetanre acʼakʼ bondobos reakʼ kathako arhõe olkeda, ar onage gel hukum do hoyena.

Esra 10:7

Bondi dosa khon ruạṛ hecʼakan sanam hoṛko jemon Jerusalemre hecʼkateko jarwakʼ onate Jihudạ ar Jerusalem reakʼ sanam jaegare mitʼṭecʼ lại jạhirakʼ do hoyena.

Sereńko 102:4

Setoṅ reakʼ tạpiste rohoṛ akan ghãs leka ińakʼ ontor do rohoṛ akana; iń do jom hõń hiṛińeda.