Esra 10:4 - সান্তালী বাইবেল

⁴ Ado ma beretʼme; niạ reaṅ kạmi do amakʼ dạyik kangea. Ale do amle goṛowama, onate ma dil salakʼ kạmime.”

Esra 10:4 Referans Kwoze

1 Bõsbudạ 28:10

Ńitokʼ do moneyakʼme, ente sekʼwae lạgitʼ mitʼṭecʼ oṛakʼ benao lạgitʼ Probhu Isor do amgeye bachao akatʼmea. Am do daṛean hoyokʼme ar kạmime.”

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Ibriko 10:24

Dela, mimitʼko reaṅ bon dạndikʼma jemon dulạṛ ar bhage kạmi lạgitʼ mimitʼko uskur bon emako.

1 Bõsbudạ 22:19

Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”

Mark 13:34

Ona din do nonkan mitʼṭen hoṛ lekana okoe do eṭakʼ disạmteye calao lạgidokʼkan. Ar oṛakʼe bạgiyakʼ jokhecʼ acʼren gutiko joto lekan dạyike em baṛawatʼko. Ar apan ạpin kạmikoe batlao baṛawatʼkote horhoicʼ do jagwar akae tahene men oṭowadea.

1 Bõsbudạ 28:21

Isorakʼ oṛakʼ reakʼ sekʼwa kạmi lạgitʼ eṭakʼ eṭakʼ dolren naekeko ar liwikohõ sapṛaoge menakʼkoa. Ar joto kạmire goṛowam lạgitʼ gạkhuṛ hoṛko menakʼkoa. Mukhiyạko ar sanam hoṛ do amakʼ hukumko senakʼa.”

Esra 10:5

Unre Esra doe beretʼena ar ona katha leka kạmi lạgitʼte maraṅ naekeko, Liwiko ar onḍe jarwa akan Israelkoe kiriạ ocoketʼkoa. Ar onko do sanamkogeko kiriạyena.

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.