Esra 10:3 - সান্তালী বাইবেল

³ Onate dela bon, aboren Isor samaṅre niạ bon kiriạkʼma, ińren kisạ̃ṛ amakʼ sopolha lekate ar aboren Isorakʼ hukum okoeko botorakʼ kan onkoakʼ solha hotete ale do noko sanam maejiuko ar onkoren gidrạkole bạgi giḍiyakoa. Ar ona do ạn lekatege hoyokʼma.

Esra 10:3 Referans Kwoze

Esra 9:4

Bondi dosa khon ruạṛ hecʼakan noko hoṛkoakʼ bepạtiạr babotre okoe do Israelren Isorakʼ katha disạkateko thar tharaoen onko mimitʼko do iń ṭhen hecʼkateko jarwayena. Ar ạyupʼ reakʼ samaṅokʼ okte hạbicʼ iń do onḍegeń duṛupʼ hape akan tahẽkana.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 119:59

Ińakʼ dãṛãn reaṅ hudiskateń ńelakada, ar onate amakʼ katha secʼ ińakʼ jaṅgań ạcur akatʼtińạ.

Nehemiạ 9:38

Ona tayom hoṛko doko olkeda: “Niạko karonte ale do ńitokʼ apnar talare olkate bondobosle bandhaoeda, ar ona cetanre aleren mukhiyạko, liwiko ar naekeko doko chapakʼ kana.”

2 Bõsbudạ 34:21

“Okaṭakʼ puthi ńamen onare cetʼ ol menakʼa ona do senkate Israel ar Jihudạren sarecʼ hoṛko lạgitʼ Probhu Isor ṭhen kulijoṅpe. Aboren hapṛamko do Probhu Isorakʼ katha leka bako senlente ar niạ puthire olakan lekahõ bako kạmiletʼte uniyakʼ edre do abore paṛao akana.”

Dosar Biboron 29:12

Aperen Probhu Isor teheń ape lạgitʼ oka khạṭiteakʼ gokʼakʼ ar bondobose dohoakatʼ ona gokʼakʼ ar bondobos manao lạgitʼge nonḍe hecʼkatepe teṅgo akana.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Nehemiạ 8:14

Onko do ạn tạrire noako ńamkeda Probhu Isor do Mose hotete niạ hukume emakana je, eaeyakʼ cando reakʼ porob jokhecʼ Israelko do chamḍa oṛakʼkoreko tahena,

Esra 10:44

Noko sanamkoge eṭakʼ jạtren kuṛiko baplaletʼkoa ar adom adom bạhukoakʼ hoṛmore do gidrạko hõko tahẽkana.

2 Bõsbudạ 34:27

‘niạ jaega ar onaren hoṛko upạrte okań menakatʼ ona ańjomkate amakʼ mon do kastao akantama ar iń samaṅrem nindhạn akana ar amakʼ kicricʼ oṛecʼkateyem rakʼ homor akada. Ar noakom nonka akatʼte iń Probhu Isor do amakʼ koejoṅiń ańjom akada.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

2 Bõsbudạ 29:10

Iń do ńitokʼ Israelren Probhu Isor sãote mitʼṭecʼ bondobos reakʼ iń khojkana jemon uniyakʼ botoranakʼ edre abo cetanre alo paṛaokʼ.

2 Rapajko 11:17

Ona tayom Jehoyada do raj ar hoṛko talare noa bondobose bandhaokeda, onko do Probhu Isorren hoṛ lekako calakʼa. Ona chaḍa uni do raj ar hoṛko talare mitʼṭecʼ bondobose bandhaokeda.

Josuạ 9:6

Nonkate onko do Gilgolre Israelkokʼ ḍerare Josuạ samaṅreko seṭerena. Onko do Josuạ ar Israelkoko metatʼkoa, “Ale do ạḍi sạṅgiń disạm khonle hecʼakana; onate ma bondobos baṛe bandhao alepe.”

Esra 10:9

Pe din bhitrire Jihudạ ar Benjạmin ṭoṭharen sanam hoṛ do Jerusalemre hecʼkateko jarwayena. Ar areyakʼ cando reakʼ bargelakʼ dinre sanam hoṛ do Isorakʼ oṛakʼ samaṅ reakʼ maedanre ona babotreko duṛupʼena ar jạṛi dakʼ iạteko thar tharaoena.

Esra 10:11

Ńitokʼ ape do aperen hapṛamkoren Probhu Isor ṭhen kại aṅgocpe ar uniyakʼ sana leka kạmipe. Apeakʼ disạmre girobasokʼ kan hoṛko ar eṭakʼ jạtren maejiu khon ape apnartetʼ begarokʼpe.”

Nehemiạ 10:1

Okoeko ona cetanreko chapatʼ tahẽkan onko doko hoyokʼkana: Hakaliạren hopon disạm cakʼlaoyicʼ Nehemiạ ar Sedekiạ,