Esra 10:11 - সান্তালী বাইবেল

¹¹ Ńitokʼ ape do aperen hapṛamkoren Probhu Isor ṭhen kại aṅgocpe ar uniyakʼ sana leka kạmipe. Apeakʼ disạmre girobasokʼ kan hoṛko ar eṭakʼ jạtren maejiu khon ape apnartetʼ begarokʼpe.”

Esra 10:11 Referans Kwoze

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Esra 10:3

Onate dela bon, aboren Isor samaṅre niạ bon kiriạkʼma, ińren kisạ̃ṛ amakʼ sopolha lekate ar aboren Isorakʼ hukum okoeko botorakʼ kan onkoakʼ solha hotete ale do noko sanam maejiuko ar onkoren gidrạkole bạgi giḍiyakoa. Ar ona do ạn lekatege hoyokʼma.

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Jesaea 56:4

Ente Probhu Isor do niạ kathae meneda, “Mạ̃yạ̃ṛiko okoe do ińakʼ jirạukʼmãhãko manaoetʼ, ar iń okań kusiyakʼ onako bachao joṅ ar ińakʼ bondobos kajakteko sapʼ dohoy,

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Nehemiạ 13:3

Hoṛko do Ạn-ạri reakʼ niạ katha ańjomkate sal mesal jạtren sanam hoṛko Israel somaj khonko begarketʼkoa.

Esra 9:1

Niạko kạmi sạten khan mukhiyạko do iń ṭhen hecʼkateko menkeda, “Israelko ar onkoren naekeko ar Liwiko do onkoakʼ disạmre girobasokʼ kan judạ judạ jạtrenko khon apnartetʼ do bako begar dohoakan tahẽkana. Onko do Kananiko, Hittiko, Perisiko, Jebusiko, Amoniko, Moabiko, Misriko ar Amoriko leka hirkhạwakʼko kạmikana.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

2 Bõsbudạ 30:22

Probhu Isorakʼ sewa kạmire okoe Liwiko do gạkhuṛko tahẽkan Hiskiạ do onkoe udgạuketʼkoa. Onko do sulukren samaṅokʼakʼ porobko porobente eae din hạbicʼko jom-ńũkeda ar onkoren hapṛamkoren Probhu Isorko sarhaokedea.

Esra 10:10

Unre naeke Esra do teṅgoyente onkoe metatʼkoa, “Ape do bepạtiạrkope hoyakana, ar judạ judạ jạtren kuṛikope bapla akatʼkote Israelkoakʼ kại tulucʼ arhõ kạipe juṭucʼ akada.

Esra 10:12

Unre sanam hoṛko do ãṭ aṛaṅteko menkeda, “Am do ṭhik kathagem roṛ akada; ar cetʼ lekam roṛakatʼ onkage ale dole kạmiya.

Nehemiạ 9:2

Israel jạtren hoṛko do eṭakʼ sanam jạtrenko khon apnartetʼko begarena. Onko doko teṅgoyente akoakʼ kại ar akoren hapṛamkoakʼ bedhoromakʼko aṅgockeda.

Jirimiạ 7:3

Israelren Isor phạdkoren Probhu Isor doe meneda, “Ape do apeakʼ colon beohar ar kạmiko sudhrạutape enḍekhan niạ ṭhạ̃iregeń girobas ocopea.

Jeheskel 18:30

“Ona iạte E Israelko, iń do ape mimitʼko apeakʼ colon lekateń bicạrpea. Ape do ruạṛpe, ar sanam behokakʼ kạmi khon mon ạcurtape; enḍekhan apeakʼ kại iạte ohope maraolena.