Esra 10:1 - সান্তালী বাইবেল

¹ Esra do tinre Isorakʼ oṛakʼ samaṅre otre ombakʼkate rakʼ rakʼteye koejoṅkan tahẽkana ar kạiye aṅgocetʼ tahẽkana unre Israelkoren ạḍi utạr herel, maejiu ar gidrạko do uni ṭhen hecʼkateko jarwayena. Ar onko hõ ạḍitetʼko rakʼkeda.

Esra 10:1 Referans Kwoze

Daniel 9:20

Nonkage iń doń koejoṅkan tahẽkana, iń ar iń jạtren Israelkoakʼ kại iń aṅgockeda ar ińren Probhu Isor ṭhen acʼakʼ sonot buru lạgitʼ iń nehõrena.

Sereńko 119:136

Ińakʼ mẽtʼdakʼ do ạtukʼkantińạ ente hoṛko do amakʼ hukum bako manaoeda.

1 Rapajko 8:30

Niạ ṭhạ̃i secʼ samaṅkate amren guti ar amren Israel hoṛko am ṭhenko nehõrokʼre onkoakʼ luturakʼ me. Ar amakʼ tahen ṭhạ̃i serma khon ańjomtakome ar ikạkakome.

Luk 19:41

Ado Jerusalem ṭhenko hecʼen khan Jisu do nagraha ńelteye rakʼkeda.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Nehemiạ 10:28

Ale sarecʼ hoṛko do, metakʼme naekeko, Liwiko, rurukhiyạko, sekʼreń dolko, mundilren sapʼdapʼko ar Isorakʼ ạn-ạri manao lạgitʼ okoe do aḍepase jạtrenko khonko begar akan, aleren bạhuko ar aleren okoe gidrạko do bujhạu reakʼ akel hoyakantako, ale sanamkoge aleren boehako, metakʼme manotan hoṛko sãotele mitʼena. Ale dole meneda je, ale okale kiriạkʼ lạgidokʼ kan ona bale manao enḍekhan ale cetanre sarap paṛaokʼma. Ale do Isorren guti Mose hotete emakʼ Isorakʼ ạn-ạri lekatele calakʼa ar aleren Probhu Isorakʼ sanam hukum ar niạmko joton salakʼle manaoa.

2 Bõsbudạ 20:9

‘jãhãn muhinko ale cetanre hecʼpaṛaokʼ- baṅ do lạṛhại, baṅ do mahamạri ar baṅ do akal-enḍekhan ale do niạ oṛakʼ samaṅre, metakʼme am samaṅrele teṅgona, ente am do niạ oṛakʼregem tahẽnkana. Aleakʼ kosṭo jokhecʼ ale do am ṭhengele raga, ar aleakʼ rakʼ joṅakʼem ańjomtalete alem bańcaolea.’

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Jirimiạ 13:17

Ar katha bape ańjom khan apeakʼ bạḍại iạte iń do danaṅreń raga, ạḍitetʼ geń raga ar ińakʼ mẽtʼ do mẽtʼ dakʼte perecʼjokʼtińạ, ente Probhu Isorren hoṛ do bondikateko idi ocokʼa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

1 Rapajko 9:3

Probhu Isor do uniye metadea, “Am okaṭakʼ koejoṅ ar nehõrem dohoakatʼ ona doń ańjom akada. Amakʼ benaoakʼ niạ mundil do jaejug hạbicʼ ińakʼ tahen oṛakʼ lekate iń ńutumteń begar dohoakada. Niạ cetanre ińakʼ mẽtʼ ar mon do jao okte tahentińạ.

Aposkạmi 21:5

Onako din paromen khan ale do onkole bạgiyatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar jalapuri ḍhipre ikhṛumentele koejoṅana.

Aposkạmi 10:30

Unre Korneliuse menkeda, “Pon din lahare ṭhik niạ jokhecʼ pe baja okte iń do ińakʼ oṛakʼreń koejoṅkan tahẽkana. Unre ackage pĩṛĩtʼ pĩṛĩtʼ ponḍ kicricʼ horokʼ akatʼ mitʼṭen hoṛ do iń samaṅre hecʼenteye metadińạ,

2 Bõsbudạ 20:13

Unre Jihudạren sanam hoṛko do akoren maejiuko, hoponko, hoponerako ar gidrạko salakʼ Probhu Isor samaṅreko teṅgo akan tahẽkana.

Dosar Biboron 31:12

Herel hoṛ, maejiuko, aperen gidrạko apeakʼ judạ judạ ato ar nagraharen eṭakʼ jạtren hoṛko mitʼ ṭhenpe jarwakoa, jemon onako ańjom daṛeakʼte aperen Probhu Isorko botorae ar ạn-ạriko joton salakʼko palon daṛeakʼ.

Mathae 3:6

Ar tinre onko do apan ạpin kạiko aṅgocketʼtakoa unre Johan do Jordan gaḍareye bạptisketʼkoa.

Esra 10:6

Ona tayom Esra do Isorakʼ oṛakʼ samaṅ khon Eliasibren hopon Jehohananakʼ kandhateye boloyena. Onḍe uni do cetʼge bae jom ńuleda, ente bondi dosa khon ruạṛ hecʼakan hoṛkoakʼ bepạtiạr iạteye hirdạnikʼ kan tahẽkana.

Nehemiạ 1:4

Niạko katha ańjomkate iń do duṛupʼkate rarakʼ iń ehopʼena. Ar thoṛa din homor halaṅkate iń doń upạskeda ar sermaren Isor ṭheniń koekeda.

Nehemiạ 1:6

E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Josuạ 8:35

Noa babotre Mose okako hukume emlen ona reakʼ mitʼṭecʼ hõ Josuạ do bae badleda goṭa Israel somajrenge onae paṛhao ańjomatʼkoa. Niạ somajre do maejiuko, gidrạko ar onko talareko girobasokʼkan eṭakʼ jạtrenko hõko tahẽkana.