Esra 1:6 - সান্তালী বাইবেল

⁶ Onko aḍepaseren sanam hoṛko do sona, rupạ reakʼ bhajan, eṭakʼ eṭakʼ jinisko, janwarko ar damanakʼ jiniskoko ematʼkote onkoko goṛowatʼkoa ar Isorakʼ oṛakʼ lạgitʼ apnarakʼ kusi leka danko emena.

Esra 1:6 Referans Kwoze

2 Korinthiko 9:7

Mimitʼ hoṛko monre okaṭakʼko goṭa akatʼ ona lekageko emokʼma; okoe hõ mon dukkate aloe emokʼma, ente kharsala monte emokʼkạnicʼge Isor doe dulạṛea.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Esra 8:33

Ona tayom ponakʼ dinre ale do aleren Isorakʼ oṛakʼre ona sona, rupạ ar bhajankole soṅketʼte naeke Uriạren hopon Meremotakʼ tirele jimạkeda. Meremot soṅgete do Pinhasren hopon Eliasere tahẽkana ar unkin sãote do Jesuaren hopon Josabad ar Benuiren hopon Noadiạ. Nukin bana hoṛge Liwikin tahẽkana.

Esra 1:4

Isorren hoṛko okoe do ńithõ jiwetʼ menakʼko onko do jãhãregeko girobasokʼkan onko modre Jerusalemte okoe calakʼko menjoṅkan onko aḍepaseren hoṛko do sona, rupạ, emateakʼ jinisko ar janwarkoko em goṛoakoma ar Jerusalemre Isorakʼ oṛakʼ lạgitʼ apnarakʼ kusite dan sandesko emokʼma.’ ”

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Jesaea 35:3

Lebṛecʼ ti do keṭecʼ ocoytape; ar lakaṛ lukuṛ gunṭhi hõ kajaktape.

Exodus 12:35

Israelko do Moseyakʼ katha leka misriko sona-rupạ ar kicricʼko koeketʼkoa.

Exodus 12:36

Ar onko okaṭakʼko khojketʼ onage emokʼ lạgitʼ Probhu Isor do misrikoakʼ monre Israelko cetanre dayae janam ocoketʼtakoa. Nonkate onko do misrikoakʼ aema jinisko ạidạriana.

1 Bõsbudạ 29:9

Onko do kusi monte ar khulạsate goṭa ontorte Probhu Isorko emadete ạḍiko rạskạyena. Ar Dạud raj hõ ạḍiye rạskạyena.

Sereńko 106:46

Aleren hapṛamko leka ale hõle kại akada; ale dole kại akada, ar bedhoromtele calakʼkana.