Ephesiko lạgitʼ Pạul Apostolakʼ ciṭhi 5:19 - সান্তালী বাইবেল

¹⁹ ape do sereńko reakʼ sereńte ar sarhao sereńkote ar Jiuteakʼ õṛhẽakʼkote ape apere gapal maraope; ar apeakʼ ontorte Probhu Isor õṛhẽ sereńaepe.

Santali Common Language New Testament

¹⁹ ape do sereńko reakʼ sereńte ar sarhao sereńkote ar Jiuteakʼ õṛhẽakʼkote ape apere gapal maraope; ar apeakʼ ontorte Probhu õṛhẽ sereńaepe.

Ephesiko lạgitʼ Pạul Apostolakʼ ciṭhi 5:19 Referans Kwoze

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

1 Korinthiko 14:26

E boehako, enḍekhan cetʼ iń mena? Manḍerre mitʼ ṭhenpe jarwakʼre ape modre okoe do sarhaoakʼ sereń menakʼtaea, okoe do cecetʼakʼ menakʼtaea, okoe do Isorakʼ sạritetʼ sodorakʼ menakʼtaea, okoe do eṭakʼ pạrsite cecetʼakʼ menakʼtaea; arhõ okoe do ona reakʼ bhede bhaṅgaoetʼkana. Onate jãhãe jãhãnakʼgeye ceka kan, ona jotowakʼ do jemon manḍer benao rakapʼakʼ mente hoyokʼ.

Sereńko 95:2

Dela, sarhao sereńate uni samaṅre bon calakʼma, ar õṛhẽ sereńte uni ńutumte bon rạskạkʼma.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Sereńko 147:7

Ape do Probhu gunmanao joharaete sereńaepe; ar banamate aboren Isorakʼ ńutumte sarhao sereńpe.

Jakob 5:13

Ape modre cetʼ jãhãe duke jomeda? Uni doe koejoṅ ma. Jãhãe sukre menaea?

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Jesaea 65:14

Ontorre rạskạ iạte ińren golamko doko sereńjoṅa, menkhan ape do mon reakʼ jalatepe raga ar rạputʼ ontor iạtepe hae haeyokʼa.

Sereńko 86:12

E Probhu, ińren Isor, ińakʼ goṭa ontorte amiń sarhaomea; ar jaejugiń õṛhẽ sereńama.

Mathae 26:30

Ado mitʼṭecʼ sarhao sereńate onko doko oḍokente Jạitun buruteko rakapʼena.

Mathae 15:8

noko hoṛ do mocategeko ganaoedeń kana, menkhan onkoakʼ ontor do iń khon sạṅgińgetakoa.

1 Korinthiko 14:15

Enḍekhan cetʼ cekae jạruṛtińạ? Iń do Jiuteń koejoṅa, ar ạkilte hõń koejoṅa; ar Jiuteń sereńa ar ạkilte hõń sereńa.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.