Ephesiko lạgitʼ Pạul Apostolakʼ ciṭhi 5:10 - সান্তালী বাইবেল

¹⁰ Onate biḍạu aṭkarpe okaṭakʼ kạmi do Probhu Isore kusikʼa mente.

Santali Common Language New Testament

¹⁰ Onate biḍạu aṭkarpe okaṭakʼ kạmi do Probhui kusikʼa mente.

Ephesiko lạgitʼ Pạul Apostolakʼ ciṭhi 5:10 Referans Kwoze

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Sereńko 19:14

E Probhu Isor, ińren aotan gaṛ, ińren chakʼḍaoicʼ, ińakʼ moca reakʼ kathako ar ińakʼ ontor reakʼ hudis bundisko do am baṛeye kusi ocomema.

1 Patras 2:20

Behok kạmiko iạte dal jomkatepe sahaoetʼ khan, enḍekhan onate sarhaokʼ reakʼ cetʼ menakʼtapea? Menkhan bhage kạmi iạte duk jomkatepe sahaoetʼ khan, enḍekhan onage Isorakʼ mẽtʼãhã samaṅre sarhaoanakʼ hoyokʼa.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Thessalonikikko 5:21

Bhageakʼ sapʼ doho joṅpe,

1Timothi 2:3

Aboren babańcaoicʼ Isorakʼ mẽtʼãhã samaṅre ona do bhagegea ar onatege uni doe kusikʼa.

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

1 Samuel 17:39

Dạud do acʼakʼ lạṛhại sanaphana cetanre Sạulakʼ tarwaṛeye tolana ar taṛam reakʼe kurumuṭukeda, ente noa lahare tishõ uni do bae hewa akan tahẽkana. Uni do Sạule metadea, “Niạko horokʼkate do bạń sen daṛeakʼa, ente noa lahare tisge bạń horokʼakada. Ar noa menkate uni do onakoe totʼ giḍikada.

Jesaea 58:5

Iń do cetʼ nonkanakʼ upạs iń khojkana? Apeakʼ upạs do eken apnartetʼ kosṭokʼ; ar pạṭiol leka bohokʼ kuḍbur akatʼ, ar gõṛẽ kicricʼ ar torocʼre giticʼ akan leka kana. Ape do cetʼ noage upạs ar Probhu Isore bạsutakʼ dinpe metakʼkana?

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.