Ephesiko lạgitʼ Pạul Apostolakʼ ciṭhi 4:31 - সান্তালী বাইবেল

³¹ Sanam lekan hewer haṛhatʼ, edre, raṅgao, kạumạu ar opoman, dusṭạmi, ar sanam lekan hiskạ ape khon sahaṛ akan tahenma.

Santali Common Language New Testament

³¹ Sanam lekan hewer haṛhatʼ, edre, raṅgao, kạumạu ar opoman, dusṭạmi, ar sanam lekan hiskạ ape khon sahaṛ akan tahenma.

Ephesiko lạgitʼ Pạul Apostolakʼ ciṭhi 4:31 Referans Kwoze

Kolossiko lạgitʼ Pạul Apostolakʼ ciṭhi 3:8

menkhan ńitokʼ do edre, raṅgao, dusṭạmi, opoman, ar nilạjiạ roṛ ape khon baṛe sahaṛokʼma.

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Kolossiko lạgitʼ Pạul Apostolakʼ ciṭhi 3:19

E jãwãeko, apnar bạhuko dulạṛkope, ar alope haṛhatʼakoa.

Jakob 3:14

Menkhan apeakʼ ontor do hiskạte haṛhatʼ ar dola duli menakʼ khan enḍekhan akel reakʼ do alope sarhaokʼa, ar sạriyakʼ do alope ạuṛiyaga.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

Sereńko 101:5

Okoe danaṅre eṭakʼkoakʼko oktayetʼkan onko doń marao giḍikoa; bạḍại mẽtʼan ar dhomok monankoakʼ hõ bạń sahaotakoa.

Jakob 4:11

E boehako alope okta baṛaya. Okoe boeha upạrte kathae roṛ se boehawakʼ doskoe ńam baṛae uni do ạn upạrte kathae roṛa ar ạn-ạri reakʼ doskoe ḍunḍhạu baṛaea. Am do ạn-ạri reakʼ doskom ńam baṛae khan enḍekhan ona do bam manaoeda bickom ona reakʼem bicạreda.

Kạhtukko 26:20

Sahan baṅ tiṅgi idiyakʼ khan seṅgel do ĩṛĩjokʼgea; ar katha baṅ gutu galaṅakʼ khan kạphạriạu do cabakʼgea.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍhiṭanicʼ do alo, edre godokʼicʼ hõ alo, ńũ bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

1Timothi 3:11

Onkage onkoren bạhuko hõ manot ocokʼ lekko hoyokʼma. Onko do eṭakʼkoakʼ aloko okta baṛaema ar apnar sambṛao akanko tahenma. Ar jotowakʼre jemon pạtiạranko hoyokʼ.

2 Korinthiko 12:20

Botorokʼ kạnạń, ape ṭheniń hijukʼre ińiń monejoṅ leka hoedaṛeakʼa bạń ńampea ar ape hõ cetʼleka ńeleńpe menjoṅkan onka do bape ńameńa. Ente botorokʼ kạnạń, reṭha reṭhi, hiskạ, raṅgao, torpha-turphi, okta, cugli, phulạukʼ gulmalge pasecʼ apere ńamokʼ.

1 Korinthiko 14:20

E boehako, bujre gidrạko leka do alope hoyokʼa. Ar bạṛicʼakʼre apeakʼ mon do huḍiń gidrạko leka hoyokʼtape ma, menkhan bujre do sẽṛã hoṛ lekankoge hoyokʼpe.

Kạhtukko 29:22

Edrekʼ hoṛ do jhogṛae salgaoa, ar etaṅ cạndi hoṛ do ạḍiye ghạṭa.

Kạhtukko 14:17

Naseyakʼte raṅgaokʼ hoṛ do lelhayicʼ lakae kạmiya, menkhan bujhạntar hoṛ doe jiwi hataṛa.

Kạhtukko 10:18

Kurude okoyetʼ kan hoṛ do eṛe kathae roṛa; ar bebuj hoṛ do bodname gahaoa baṛaea.

Kạhtukko 10:12

Kurud do jhogṛae janam ocoya, menkhan dulạṛ do sanam lekan bedhorome danaṅa.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

Galathiko lạgitʼ Pạul Apostolakʼ ciṭhi 5:20

boṅga sewa, gukʼni, bene bạiri, kạphạriạu mẽtʼ jolokʼ, raṅgao, torpha turphi,

1 Korinthiko 5:8

Onate mare khạmi, metakʼme hiskạ ar bạṛicʼakʼ reakʼ khạmite do alo, menkhan nirạ ar sạriyakʼ reakʼ bin khạmiyanakʼ piṭhạte bon porobokʼma.

Romiko lạgitʼ Pạul Apostolakʼ ciṭhi 3:14

Onkoakʼ moca do sarap ar haṛhatʼte perecʼgetakoa.

Kạhtukko 25:23

Utạr secʼ reakʼ hoe cetʼleka dakʼe ạguiyetʼ, onkage cuglikan alaṅ do kurkunḍucʼ mẽtʼãhãe ńelocoya.

Kạhtukko 18:8

Nindạuicʼakʼ katha do sebel jomakʼ leka, ona do manwa ontor reakʼ khạndrire bolokʼa.

Kạhtukko 6:19

eṛe roṛ ar eṛe goha emokʼicʼ, ar boehako talare gulmale ehopʼkan hoṛ.

Sereńko 140:11

Oktako do disạmre ạidạri aloko ńam ma; ar santaokan hoṛ do muhin jemon jao ghuṛiye khudạu baṛako.

Sereńko 64:3

Onko do tarwaṛe leka akoakʼ alaṅko dhar akatʼtakoa, onkoakʼ haṛhatʼ katha do akʼ sarreko lagao dohoakada;

Sereńko 50:20

Am do amren boeha upạrte katham roṛa ar uniyakʼem oktawa.

Sereńko 15:3

Uni do eṭakʼko bae nisṛạukoa, acʼren gatekoakʼ hõ bae khutiytakoa, ar aḍepaseren hoṛkoakʼ bodnam hõ bae roṛa,

2 Samuel 19:27

Uni do ińren mạlik maharaj ṭhen ińakʼe durnam akada. Ińren mạlik maharaj do Isorren mitʼṭen goḍet leka kanae; onate am kusiyakʼ lekage baṛe ińre kạmime.

Genesis 37:4

Uniren boehako tinreko bujhạukeda, akoren apat do Josephge bạ̃ṛtiye dulạṛedea mente unre onko do uni hiskạwaeko ehopʼena. Ar uni tulucʼ katha hõ mońte bako roṛetʼ tahẽkana.

Genesis 27:41

Jakob do acʼ baba ṭhen khon bhore ńamketʼ khan Esau ṭhen hiskạ ocokʼe ehopʼena. Uni do mone monteye menkeda, “Iń baba lạgitʼ rakʼjoṅ din do sor hijukʼ kana. Ar ona tayomge ińren boeha Jakob doń khũnea.”

Genesis 4:8

Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.

Johan sodor 12:10

Ona tayom iń do serma khon ãṭ aṛaṅte mitʼ hoṛ roroṛkaniń ańjomkedea, “Ńitokʼ do babańcao, daṛe ar aboren Isorakʼ rajosṭi ar uniren ojokʼicʼakʼ ektiạri hoyakana, ente okoe aboren boehakoe dusiyetʼko tahẽkan uni do serma khone lebda ńur ocoakana. Aboren Isor samaṅre siń ńindạ uni do onkoakʼ doskoe udukʼetʼ tahẽkana.

1 Johan 3:15

Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.

Titus lạgitʼ Pạul Apostolakʼ ciṭhi 2:3

Onkage buḍhikohõ Isor bhoktikoko hoyokʼma ar bhage sikhnạtkoko emokʼma. Ente eṭakʼko oktawako ar ńũ bulokʼ do lek baṅkan takoa.

2Timothi 2:23

Lelha, hohakʼ ar reṭe peṭekʼre alom seledokʼa, ente am dom baḍaegea onako do jhogṛae janam ocoya.

1Timothi 3:3

Uni do ńũ bulokʼicʼ ar dadalicʼ aloe hoyokʼma, jhogṛayicʼ ar ṭaka-poesa lalocicʼ hõ alo, bickom mạ̃hiranicʼe hoyokʼma.

Aposkạmi 21:30

Unre goṭa nagrahare gulmal ehopʼena. Hoṛko do mitʼ sãoteko ńir hecʼente Pạulko jhuṭiạukedea ar mundil khonko or oḍok kedea ar ona são sãote mundil reakʼ duạrkoko sińkada.

Jirimiạ 6:28

Onko do jotoge huhulko kanako; onko do okta cintại lạgitʼko dãṛãbaṛaea. Onko do pitạl ar mẽṛhẽtʼ lekan kanako; ar jotogeko kharap caba akana.

Kạhtukko 29:9

Budan hoṛ do khaṭo bujan hoṛ upạrteye mambla lekhan uni bebujicʼ doe landaya ar baṅkhane raṅgaokʼa, ar onate cetʼ miṭ maṭge baṅ hoyokʼa.

Kạhtukko 19:12

Rajakʼ raṅgao do gondraokʼkan dhạcri kul leka, menkhan uniyakʼ daya do ghãsre ńur akan sisir dakʼ leka.

2 Samuel 19:43

Israelren hoṛko do Jihudạrenko metatʼkoa, “Ale do gel gusṭikoren kanale ar onate Dạud raj cetanre ape khon ḍher ạidạri menakʼtalea. Menkhan ape do cedakʼ nonkape nindạuketʼlea? Aboren raj ruạṛ ạguiye reakʼ katha alege cetʼ pạhilte bale roṛleda?” Menkhan Israelren hoṛko khon Jihudạren hoṛkoakʼ kathage bạ̃ṛti keṭecʼ tahẽkana.

2 Samuel 13:22

Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

Genesis 37:21

Menkhan Ruben do noa katha ańjomkate onkoakʼ ti khon bańcaoe reakʼe kurumuṭukeda uni doe metatʼkoa, “Uni do alope gojea.”

2Timothi 3:3

onkore dulạṛ do baṅ tahena, onko doko jhogṛakʼa menkhan bako sulukokʼa. Onko do eṭakʼko reakʼko oktawa, ar apnar do bako sambṛao daṛeakʼa, kurmutạhakoko hoyokʼa, ar bhageakʼ doko hirkhạwakʼa.

Jirimiạ 9:4

Onko do mimitʼ gateko khon sontor akaeko tahenma ar apnar boehako hõ aloko pạtiạuako ma, ente mitʼke mitʼ boeha doko ṭhokagea ar mitʼke mitʼ gate doko okta baṛaegea.

Sereńko 37:8

Edrekʼ do ikạkakʼme, hataṅ alom loloe tama; ar alom jal jalaokʼa, ente ona do eken bạṛicʼ secʼgeye ạyur idiya.

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.