Ephesiko lạgitʼ Pạul Apostolakʼ ciṭhi 4:2 - সান্তালী বাইবেল

² Apeakʼ colon do jemon purạte nindhạn ar mạ̃hir hoyokʼ. Sombhuripe ar dulạṛ monte mimitʼko tulucʼ sapahaokʼpe.

Santali Common Language New Testament

² Apeakʼ colon do jemon purạte nindhạn ar mạ̃hir hoyokʼ. Sombhuripe ar dulạṛ monte mimitʼko tulucʼ sapahaokʼpe.

Ephesiko lạgitʼ Pạul Apostolakʼ ciṭhi 4:2 Referans Kwoze

1 Korinthiko 13:7

Dulạṛ do sanamakʼgeye sahaoa, sanamkogeye pạtiạuakoa; sanamakʼrege ase dohoya; ar sanamakʼgeye sumbhrạua.

Romiko lạgitʼ Pạul Apostolakʼ ciṭhi 15:1

Abo okoe do bon daṛeanko kan aboakʼ do dạyik kana bin daṛeankoakʼ nijorakʼkore teṅgo goṛowako, ar eken apnar kusikʼ lạgitʼ do baṅ.

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Kạhtukko 3:34

Ṭiṭkạrikan hoṛko doe ṭiṭkạriakoa, menkhan nindhạnko doe dayawakoa.

Numeri 12:3

Mose do ạḍi mạ̃hir hoṛe tahẽkana, uni do dhạrtiren sanam manwako khon hõ mạ̃hirge.

Sereńko 138:6

Probhu Isor do jotowakʼko cetanre menaere hõ enhõ uni do nindhạnkoe beṅgetʼakoa, menkhan bạḍạiko doe sạṅgiń khongeye baḍaekoa.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Galathiko lạgitʼ Pạul Apostolakʼ ciṭhi 6:2

Bhạriạ do gokʼ gopoṛope, ar nonkate ape do Mạsiyakʼ ạnkope purạu daṛeakʼa.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Aposkạmi 20:19

Jihudikoakʼ ạḍi lekan phor phundi iạte bạṛicʼ biḍạukoreń paṛaolena, menkhan iń do nindhạn monte mẽtʼ dakʼ joro jorote Probhu Isorren sapʼ dapʼicʼiń hoyakana.

Kạhtukko 16:19

Bạḍạiko sãote luṭakʼ jinis hạṭiń joṅ khon mạ̃hir monte santao ocokʼko sãote tahenge bhagea.

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Sereńko 45:4

Sạriyakʼ, mạ̃hir ar dhorom secʼ amakʼ ṭhonokte jitạuicʼ leka mohnḍakʼme; ar amakʼ jojom ti do botoranakʼkoe kạmima.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Sosolhayic̕ 7:8

Jãhãnakʼ reakʼ etohopʼ khon mucạtʼge bhagea, ar bạḍại khon sombhurikʼge bhagea.

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.