Ephesiko lạgitʼ Pạul Apostolakʼ ciṭhi 4:18 - সান্তালী বাইবেল

¹⁸ Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.

Santali Common Language New Testament

¹⁸ Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.

Ephesiko lạgitʼ Pạul Apostolakʼ ciṭhi 4:18 Referans Kwoze

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Johan 12:40

“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Kolossiko lạgitʼ Pạul Apostolakʼ ciṭhi 1:21

Sedae do Isor ṭhen khon pharakrepe tahẽkana ar uni upạrte apeakʼ monre bạiripe tahẽkana. Apeakʼ bạṛicʼ kạmiko hotete ona do sodor akana.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

Galathiko lạgitʼ Pạul Apostolakʼ ciṭhi 4:8

Pạhilre Isor bape baḍae akade tahẽkanre okoepe sewawako kan tahẽkan onko do cele debgeko baṅkana.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

Romiko lạgitʼ Pạul Apostolakʼ ciṭhi 2:19

Am dom hudiseda kãṛãko horem udukʼ akokana. Ar ńutre okoe menakʼko onko ṭhen do marsal lekam hudisokʼ kana.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Sereńko 74:20

Amakʼ bondobos reakʼ katha disạime; ar disạm reakʼ sanam oko akan jaegako do behokakʼte perecʼ akana.

2 Korinthiko 3:14

Menkhan onko hoṛkoakʼ mon do keṭecʼlen takoa. Onate teheń hạbicʼ hõ ona mare bondobos reakʼ katha paṛhao jokhecʼ onkoakʼ ontorre inạ mitʼ lekanakʼ bedokʼakʼ orwal do tahenkan getakoa, ente eken Mạsi tulucʼ mitʼlen khange ona orwal do ocogokʼa.

Jesaea 25:7

Okaṭakʼ orwalte sanam jạtren hoṛko danaṅ akan, ar okaṭakʼ cador do sanam jạtrenkoe esetʼ akatʼko, niạ bururege ona doe nosṭo giḍikakʼa.

Aposkạmi 3:17

“E boehako, ńitokʼ ińiń baḍaea aperen murubbiko leka ape hõ begor bujhạutege Jisupe kurusledea.

Romiko lạgitʼ Pạul Apostolakʼ ciṭhi 11:7

Enḍekhan bujhạukʼ kana, Israelko okaṭakʼ ńam reakʼko kurumuṭuyetʼ tahẽkan ona do bako ńamleda, menkhan Isor okoekoe bachao doho akawan tahẽkan onkoge ona doko ńamakada, ar eṭakʼkoakʼ mon do dhiri leka keṭecʼ akantakoa.

1 Korinthiko 2:8

Menkhan niạ jugren cakʼlaoko modre okoe hõ ona do bako baḍaeleda; enteko baḍaele khan ṭhonokren Probhu Isor do ohogeko kuruslea.

Ephesiko lạgitʼ Pạul Apostolakʼ ciṭhi 2:1

Bebatao ar kại iạte ape do gocʼgepe tahẽkana.

Ibriko 5:2

Okoe begor baḍaeteko kạiyetʼkan ar bạṛicʼ horteko calakʼkan onko sãote uni do mạ̃hirteye beohara, ente unire hõ nijortetʼ do menakʼgea.

Ibriko 9:7

Menkhan dosarakʼ jaegare, metakʼme sonot utạrakʼ ṭhạ̃ire do eken maraṅ naeke motogeye bolokʼkan tahẽkana. Uni do bochorre eken mitʼ dhaoge dãṛẽ samaṅ akade janwarakʼ mãyãmante onḍeye bolokʼkan tahẽkana. Uni do acʼakʼ kại lạgitʼ ar bin baḍaeteko kại akatʼ hoṛkoakʼ kại lạgitʼ noa mãyãme coḍoretʼ tahẽkana.

1 Patras 1:14

Isorakʼ hukum batao gidrạko kantepe lahateakʼ bạṛicʼ kusi sana leka apeakʼ jion do alope khemaoa; ente unre ape do Isor bape baḍae orom akade tahẽkan.

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.