Ephesiko lạgitʼ Pạul Apostolakʼ ciṭhi 4:16 - সান্তালী বাইবেল

¹⁶ Goṭa hoṛmo do nonka tolakana je, mimitʼ hạṭińko apan ạpin jaegare tahẽkate hoṛmo tulucʼ joṛao akana. Ar mimitʼ hạṭińko tinre ṭhikleka kạmikʼa unre goṭa hoṛmoge bohokʼ reakʼ ạyurte hara idikʼa ar dulạṛte apnarre benao rakabokʼa.

Santali Common Language New Testament

¹⁶ Goṭa hoṛmo do nonka tolakana je, mimitʼ hạṭińko apan ạpin jaegare tahẽkate hoṛmo tulucʼ joṛao akana. Ar mimitʼ hạṭińko tinre ṭhikleka kạmikʼa unre goṭa hoṛmoge bohokʼ reakʼ ạyurte hara idikʼa ar dulạṛte apnarre benao rakabokʼa.

Ephesiko lạgitʼ Pạul Apostolakʼ ciṭhi 4:16 Referans Kwoze

Kolossiko lạgitʼ Pạul Apostolakʼ ciṭhi 2:19

Onko do kajakte mathatetʼ, metakʼme Jisu Mạsi do bako sapʼ dohoyede kana, menkhan ona matha reakʼ ạyurte goṭa hoṛmo do jaṅ ar jel reakʼ tol midokʼkante Isorakʼ sana leka hara idikʼkana.

Johan 15:5

“Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniyakʼ jionre do ạḍi joe jokʼa, ente iń begor ape do cetʼ hõ bape ceka daṛeakʼa.

Kolossiko lạgitʼ Pạul Apostolakʼ ciṭhi 2:2

Ińakʼ monejoṅakʼ do noage jemon onko do ontorre udgạuko ńamte dulạṛreko tol midokʼ, ar Mạsi reaṅko bujhạute oka khạṭitetʼ ńamokʼ ona reaṅ purạ khạṭitetʼ jemon asambheṛko lab joṅ. Ar ona khạtirte Isorakʼ sạri okoakʼko, metakʼme Mạsiko baḍae orom daṛeaea.

Ephesiko lạgitʼ Pạul Apostolakʼ ciṭhi 4:12

Uni doe bahalketʼkoa jemon Isorren sanam hoṛko uniyakʼ sapʼdapʼ lạgitʼko sapṛaokʼ ar nonkate Mạsiyakʼ hoṛmo jemon benao rakabokʼa.

1 Korinthiko 13:13

Menkhan ńitokʼ do biswạs, as, ar dulạṛ noako penege tahenkana; menkhan noako modre joto khon soros utạrakʼ do dulạṛkangea.

Ephesiko lạgitʼ Pạul Apostolakʼ ciṭhi 4:15

Bickom dulạṛ monte Mạsi reaṅ sạri katha bon roṛma ar sanamakʼre hara burukʼte Mạsi leka bon hoyokʼma. Uni kangeae hoṛmo reakʼ matha do.

1Timothi 1:5

Noa hukum reakʼ monsubạ do hoyokʼ kana dulạṛ udgạu ocoy. Noa dulạṛ do niphuṭ ontor, sapha bibek ar sạri biswạs khon hijukʼkana.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Philipiko lạgitʼ Pạul apostolakʼ ciṭhi 1:9

Iń do noageń koejoṅ kana apeakʼ dulạṛ do jemon ạkil ar bud salakʼ hara idikʼtape.

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiyakʼ dulạṛre rehetʼ ar bạisạu akanpe tahen,

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Ephesiko lạgitʼ Pạul Apostolakʼ ciṭhi 3:7

Isor do acʼakʼ maraṅ daṛete okaṭakʼe daya akadiń ona daya reakʼ dan lekate uni do bhage sombat porcar lạgitʼ kạmiye emakawạdińa.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

1 Johan 4:16

Baḍaegea bon Isor do aboe dulạṛetʼ bona, ar uniyakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛkana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sahre idikʼkante ale do sarhao emokʼ lek kantalea.

1 Thessalonikikko 3:12

Ale cetʼlekale dulạṛetʼpe ṭhik onkage Probhu Isor hõ ape mimitʼkore jemon dulạṛe baḍhao ocoyte sareṛokʼtape.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

Galathiko lạgitʼ Pạul Apostolakʼ ciṭhi 5:6

ente okoe doko Jisu Mạsiren kan, onko ṭhen khatna ar bin khatna reakʼ do cetʼ porhoge bạnukʼa, bickom oka biswạs do dulạṛ talateye kạmiyetʼkan ona biswạsge asolakʼ kana.

1 Korinthiko 8:1

Iń do ńitokʼ boṅga ṭhen samaṅakʼ jomakʼko reaṅ iń roṛeda. Baḍaegeabon, sanamkoakʼge akel menakʼtabona. Akel do manwae phulạu ocoyea, menkhan dulạṛ doe benao rakapʼa.

Romiko lạgitʼ Pạul Apostolakʼ ciṭhi 12:4

Abo mimitʼkoakʼ hoṛmore do aema hạṭińko menakʼa, menkhan joto hạṭińko do mitʼ leka bae kạmiya;

1 Korinthiko 10:17

Ar bon aemagere hõ mitʼ hoṛmo kanabon, ente piṭhạ do mitʼ goṭengea, ar sanamkoge ona mitʼ piṭhạ reaṅ hạṭińge bon ataṅeda.