Ephesiko lạgitʼ Pạul Apostolakʼ ciṭhi 4:10 - সান্তালী বাইবেল

¹⁰ Ar okoeye pheḍlen unige sanamakʼ purạu lạgitʼ arhõ sermako khon hõ cetanteye rakapʼena.

Santali Common Language New Testament

¹⁰ Ar okoeye pheḍlen unige sanamakʼ purạu lạgitʼ arhõ sermako khon hõ cetanteye rakapʼena.

Ephesiko lạgitʼ Pạul Apostolakʼ ciṭhi 4:10 Referans Kwoze

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 4:14

Onate dela, abon do hamesate Isorren Hopon Jisure aboakʼ pạtiạu bon aṅgoc ma, ente uni kangeae aboren maraṅ naeke, one okoe do sermare senkate ńit Isor samaṅre menae.

Kolossiko lạgitʼ Pạul Apostolakʼ ciṭhi 2:9

Isorakʼ goṭa perecʼtetʼ do Mạsiyakʼ hoṛmo rupteye girobasokʼ kana, ar Mạsi tulucʼpe kolom mitʼakante ape hõ ona perecʼtetʼpe ńamakada.

Kolossiko lạgitʼ Pạul Apostolakʼ ciṭhi 1:19

Isor doe goṭaletʼa jemon acʼakʼ joto lekanakʼ perecʼtetʼ Mạsire tahen.

Mathae 24:34

Sạrigeń metapekana, tinre noako joto hoyokʼa unre niạ piṛhiren thoṛa hoṛ do bańcaoko tahena.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Ephesiko lạgitʼ Pạul Apostolakʼ ciṭhi 3:19

Mạsiyakʼ dulạṛ do budte oho baḍaelena; enhõ iń doń koejoṅ kana jemon ona dulạṛpe bujhạu daṛeakʼ, ar Isorakʼ goṭa perecʼakʼtepe perejokʼ.

Aposkạmi 1:9

Noa kathae lạiyatʼko khan celako samaṅrege Jisu doe rakapʼ ocoyena ar mitʼṭecʼ rimil reakʼ danaṅteye calaoena.

Ibriko 8:1

Abo oka bon menetʼkan ona reakʼ asol katha do noa kana je, aboren do nonkan mitʼṭen maraṅ naeke menaea one uni do sermare maraṅ Isorakʼ siṅghạson reakʼ jojomsa aṛereye duṛupʼakan.

Aposkạmi 3:18

Menkhan Isor do ḍher din lahare sanam nạbiko hoteteye roṛleda Mạsi do duk jojom hoyokʼtaea; ar Isor do ona katha nonkageye purạukeda.

Aposkạmi 2:33

Isorakʼ jojomsa aṛere duṛubokʼ reakʼ ṭhonok do unigeye dan akawadea are gokʼade tahẽkana sonot Jiu do Isor Baba ṭhen khongeye ńam akadea; ar ńitokʼ ape okape ńeletʼkan arpe ańjometʼkan ona do Jisugeye emakana.

Aposkạmi 1:11

E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”

Johan 19:36

Noa do hoyena sonot sostor reakʼ katha jemon purạukʼ, “Uniyakʼ do mitʼṭen jaṅ hõ baṅ rạpudokʼtaea.”

Johan 19:28

Inạ tayom sanamakʼ purạu akana menteye baḍaeketʼ khan sonot sostor reakʼ katha jemon purạukʼ onate Jisui menkeda, “Tetaṅedińa.”

Johan 19:24

Ona ńelte palṭonko do akoreko menjoṅana, “Noa do babon oṛeja bickom gulibãṭkate bon ńela okoeyakʼ hoyokʼa mente.” Noa do hoyena sonot sostor reakʼ katha jemon purạukʼ, Onko do ako talare ińakʼ kicricʼko hạṭińana, ińakʼ aṅgrop doko gulibãṭkeda. Ar palṭonko do sạrigeko onkakeda.

Johan 1:16

Abo jotokoge uniyakʼ ona perecʼakʼ khon daya cetan daya bon ńam akada.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

2 Korinthiko 12:2

Mạsire pạtiạuicʼ mitʼ hoṛiń baḍae akadea; uni do gelpon bochor lahare serma hạbicʼe rakapʼ ocolena. Unre uni do acʼakʼ hoṛmoreye tahẽkana se baṅ ona do bạń baḍaea, Isorgeye baḍaea.