Ephesiko lạgitʼ Pạul Apostolakʼ ciṭhi 4:1 - সান্তালী বাইবেল

¹ Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Santali Common Language New Testament

¹ Onate Probhure kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 4:1 Referans Kwoze

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

2 Patras 1:3

Okoe acʼakʼ ṭhonok ar soros gunteye hohoakatʼ bon, uniyakʼ khạndriyakʼko baḍae hotete acʼakʼ Isor daṛete nonkanakʼkoe dan akatʼbona, one ona hotete abo do Isor botoraete jion bon khemao daṛeakʼ.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

1 Korinthiko 4:16

Onateń nehõrape kana, iń okakoń cekae, ape hõ onako onkaepe;

2 Thessalonikiko 1:11

Onate ale do jaoge ape lạgitʼle koejoṅ kana jemon aboren Isor do hoho ocokʼ lek menteye bujhạupe, ar acʼakʼ daṛete apeakʼ sanam bhage kạmi reakʼ monejoṅakʼe purạutape ar biswạsi iạte okakope kạmikan onare jemone sạbit utạrpe.

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Kolossiko lạgitʼ Pạul Apostolakʼ ciṭhi 2:6

Ape cetʼleka Jisu Mạsi do Probhu Isor mentepe ataṅakade onkage uni tulucʼ mitʼ tahente jion khemaope.

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.

2 Korinthiko 6:1

Isorren são kạmiyạko lekate noale nehõrapekana, Isorakʼ okaṭakʼ dayape ńamakatʼ ona do alope ạuṛiyakʼ ocoya.

2 Johan 1:5

Abo mimitʼko jemon bon dupulạṛ, noage am ṭhen ińakʼ nehõr do. E dulạṛiạ miseratiń, okań oletʼkan ona do jãhãn nãwã hukum do baṅkana, bickom noa hukum do pạhil khonge bon ńam akada.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Ephesiko lạgitʼ Pạul Apostolakʼ ciṭhi 4:4

Isore hohoakatʼpe iạte apere eken mitʼṭecʼ asge menakʼa, mitʼ hoṛmoge menakʼa ar mitʼ sonot Jiuge menaea,

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Galathiko lạgitʼ Pạul Apostolakʼ ciṭhi 4:12

E boehako, nehõrape kạnạń, iń leka baṛe hoyokʼpe, ente ińhõ ape lekań hoyakana. Ape do ińre jãhãnakʼ bape behok akada.

Genesis 5:24

Inạ tayom uni do okare hõ ar bae ńellena. Isor sãote uniyakʼ jopoṛao tahẽkante Isor do acʼ ṭhene idikedea.

Ibriko 3:1

Onate E sonot boehako, okoe do serma rajren ạidạriko hoyokʼ lạgitʼ uniyakʼ hohoakʼren bakhradarkope hoyakan, ape do Jisu reaṅ moneyakʼpe. Ente okoere bon pạtiạu akan uni kangeae Isor ṭhen khon kol ocoyicʼ do ar maraṅ naeke hõ unige.

2 Korinthiko 10:1

Mạsiyakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼkana.

Jirimiạ 38:20

Jirimiại roṛ ruạṛkeda, “Onko do bako soprotmea. Iń okań metamkan onam onkaete Probhu Isorakʼ bataotaeme. Enḍekhan amakʼ bhage hoyokʼa, ar amakʼ jiwim bańcaotama.

Titus lạgitʼ Pạul Apostolakʼ ciṭhi 2:10

kisạ̃ṛkoakʼ jinisko aloko kombṛoema, bickom sanamakʼre pạtiạr kanako menteko sạbudokʼma, jemon aboren babańcaoicʼ Isorakʼ oka cecetʼakʼ menakʼ ona joto secʼ khon mońj okocʼteko benao rakabokʼ.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

2 Korinthiko 5:20

Onate Mạsi ńutumte paṭhaonako lekate ale do kathale roṛeda. Isor hõ acʼge ale hotete hoṛko ṭhene nehõrokʼ kana. Onate Mạsi ńutumte noale ajijokʼ kana, “Jemon Isor tulucʼpe mitʼ ruạṛokʼ.”

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.