Ephesiko lạgitʼ Pạul Apostolakʼ ciṭhi 3:9 - সান্তালী বাইবেল

⁹ Ona chaḍa uniyakʼ danaṅakʼ okalekate kạmire lagao hoyokʼa ona sodor reakʼ dạyik hõ ińreye emakada. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Santali Common Language New Testament

⁹ Ona chaḍa uniakʼ okoakʼ monsubạ okalekate kạmire lagao hoyokʼa ona sodor reakʼ dạyik hõ ińe emakawạdińa. Sanamakʼren sisirjạuicʼ Isor do nunạkʼ din hạbicʼ acʼakʼ ona monsubại oko dohoakatʼ tahẽkana.

Ephesiko lạgitʼ Pạul Apostolakʼ ciṭhi 3:9 Referans Kwoze

Kolossiko lạgitʼ Pạul Apostolakʼ ciṭhi 1:26

Isorakʼ kathare okaṭakʼ sạri okoakʼ sedaeren hoṛko ṭhen jug jug khon okoge tahẽkan, ńitokʼ acʼren hoṛko ṭhen ona do sodor akana.

Mathae 13:35

Noa do hoyena nạbi hotete roṛlenakʼ katha jemon purạukʼ: Iń do ińakʼ mocate phenkoń lạiya; dhạrti reakʼ etohopʼ khon okako oko tahẽkan, onań lại sodora.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniyakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakawatʼ bona,

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Jesaea 44:24

Amren Probhu Isor, okoe doe amren chakʼḍaoicʼ kan, ar okoe do kukhireye gaṛhaoletʼme uniye meneda, “Iń kangeạń Probhu Isor do; ińge jotowakʼ iń sirjạuakada. Iń do sermań aṭetʼ akada ar ińge prithimiń pasnao akada.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

1Timothi 3:16

Isor bhokti reakʼ sạri okoakʼ je maraṅge ona do jotokogeko aṅgoca. Ona sạritetʼ do noage, Uni do manwa lekateye sodorena; ar Jiureye dhorom ocoyena; serma goḍet do uniko ńelledea; sanam jạtrenko ṭhen uni reaṅ porcarlena; dhạrtiren hoṛko do unireko pạtiạuena; ar serma ṭhonokre uni doe rakapʼ ocoyena.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

1 Patras 1:20

Dhạrti ạuri sirjạurege Isor do noa lạgitʼe ṭhik doho akade tahẽkana, menkhan niạ mucạtʼ oktere uni do ape lạgitʼgeye sodorena.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

2 Thessalonikiko 2:13

Probhu Isorre dulạṛiạ boehako, ape ńutumte jaoge Isor gun manao joharae lek kantalea, ente kại khon bańcao ńam lạgitʼ Isor do pạhil khongeye bachao dohoakatʼpea. Sonot Jiu hotete Isor lạgitʼe begar doho akatʼpete ar bhage sombat reakʼ sạriyakʼre apeakʼ biswạs hotete kại khon bańcaope ńamakada.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

1 Korinthiko 2:7

menkhan ale do Isorakʼ akelte perecʼ okoakʼ kathakogele roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniyakʼ ṭhonok reakʼ bhạgiyạdar bon hoydaṛeakʼ.

Aposkạmi 15:18

Ar ḍher din laha khon noa do uniyakʼ monre tahẽkana.”

Johan 10:30

“Iń ar Baba doliń mitʼgea.”

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmikana ar iń hoń onkayeda.”

Luk 24:47

Arhõ ol menakʼa, Jerusalem khon ehopʼkate sanam jạtrenko ṭhen kại ikạkʼ lạgitʼ mon ạcur porcarokʼa.

Mathae 25:34

“Inạ tayom raj do acʼakʼ jojom secʼrenkoe metakoa, ‘Okoe ińren Babawakʼ bhorpe ńamakatʼ, dela hijukʼpe. Dhạrti reakʼ rehetʼ khon okaṭakʼ rajosṭiye tear akatʼpe ona baṛe ạidạrijoṅpe.

Mathae 10:27

Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

Johan sodor 17:8

Ar okoe janwarem ńellede uni do lahateye tahẽkana, menkhan ńitokʼ do bạnugicʼan. Tayomte ona athan kunḍ khon rakapʼ hecʼkate uni do jaejug hạbicʼ sạjạiye joma. Unre okoe doko noa dhạrtirenkan, metakʼme dhạrti sirjạu khon okoekoakʼ ńutum do jion reakʼ puthire ol bạnukʼ onko do uni janwar ńelteko hahaṛakʼa; ente janwar do pạhile tahẽkana, ńitokʼ do bạnuiya, menkhan arhõe ńel ocokʼa.

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭecʼ sạri okowakʼ baḍae ocopeń menjoṅ kana. Ona sạriyakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Ephesiko lạgitʼ Pạul Apostolakʼ ciṭhi 3:2

Ape do khạṭigepe ańjomakada, Isor do acʼakʼ daya reakʼ bondobos baḍae ocope reakʼ bhar ińreye emakada mente.

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniyakʼ bhage sombat reakʼ sạri okoakʼkoń porcar daṛeakʼ.

Kolossiko lạgitʼ Pạul Apostolakʼ ciṭhi 4:3

Ona sãote ale lạgitʼ hõ koejoṅpe jemon Mạsi reaṅ sạri okoakʼ reakʼ katha porcar lạgitʼ Isor do ạte emabon. Ar ona sạri okoakʼ lạgitʼge iń doń bondi ocoakana.