Dosar Biboron 9:7 - সান্তালী বাইবেল

⁷ “Hahaṅkarre aperen Probhu Isorakʼ edre cetʼlekape rakapʼ ocoletʼtaea ona baṛe disạipe, ar tishõ alope hiṛińa. Misor disạmpe bạgi oṭowakʼ hilokʼ khon nonḍe seṭerokʼ hạbicʼ ape do Probhu Isor birudrepe ṭhok ạguakada.

Dosar Biboron 9:7 Referans Kwoze

Exodus 16:2

Sin hahaṅkar ṭoṭhare Israelkoren goṭa dolrenkoge Mose ar Aron upạrteko karacʼ kurucʼena ar aema kathako roṛkeda.

Exodus 14:11

Onko do Moseko metadea, “Misorre do cetʼ topakʼ lạgitʼ jaega baṅ tahẽkante gocʼ giḍikale lạgitʼ noa hahaṅkar jaegatem ạgu akatʼlea? Misor khon oḍok ạgukate ale sãote noa do cetʼem cekakeda?

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

Numeri 11:4

Israelko sãote eṭakʼ eṭakʼ jạtren okoeko hoṛko tahẽkan onko do eṭakʼ lekan jomakʼ lạgitʼ laloc hecʼatʼkoa. Onko ńelte Israelko do rakʼate memenko ehopʼena, “Hae, jel baṛele jom ńamle khan!

Ephesiko lạgitʼ Pạul Apostolakʼ ciṭhi 2:11

Janam secʼ lekate ape do boṅgan hoṛ jạtrenko kanape. Ar okoe titeko khatna ocoakan, metakʼme apnarte khatna akan hoṛ menteko ńumogokʼkan onko do bin khatna hoṛ menteko metapekana.

1 Korinthiko 15:9

Ente apostolko modre ińge sanamko khoniń nicạṛgea, ar apostol ńumugokʼ lek hõń baṅkana, ente Isorakʼ manḍerren koń khedletʼkoa.

Jeheskel 36:31

Ar unre ape do apeakʼ bạṛicʼ colon ar bạṛicʼ kạmiko reakʼ kathape disạiya ar apeakʼ kại ar bạṛicʼakʼ kạmiko iạte apnartetʼpe hirkhạ joṅa.

Jeheskel 20:43

Onḍe apeakʼ lahateakʼ colon reakʼ katha ar okako kạmi hotete apnartetʼpe bhonḍlen onakope disạya ar apeakʼ sanam bạṛicʼ kạmiko iạte apnartetʼpe hirkhạjoṅa.

Dosar Biboron 31:27

Ar cetʼ lekan keṭecʼ hoṭokʼan ar huhulko kanpe ona doń baḍaegea. Ape talare jiwetʼ iń tahenrege Probhu Isor upạrtepe huhulkan khan ińiń gujukʼ tayom do tinạkʼ artetʼpe onkaea!

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Exodus 17:2

Onate onko do Mose tulucʼ jhogṛayenteko metadea, “Ńũi lạgitʼ dakʼ emaleme.” Moseye metatʼkoa, “Iń tulucʼ do cedakʼpe jhogṛakʼ kana, ar Probhu Isor do cedakʼpe biḍạu aṭkarede kana?”

Exodus 14:10

Ar Israelko do Pharao ar uniren dolko ako tayomte hijukʼkanko ńelketʼko khan ạḍiko botorena ar Probhu ṭhenko rakʼkeda.

Exodus 23:21

Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 17:10

Inạ tayom Probhu do Moseye metadea, “Ṭhoṭhok hoṛko lạgitʼ mitʼṭecʼ cinhạ ńutumte Aronakʼ ṭheṅga do arhõ goha sinduk samaṅre dohokakʼme. Onate am do iń upạrte onkoakʼ karacʼ kurujokʼakʼem thir ocoytakoa, onate onko do ar bako gujukʼa.”

Dosar Biboron 9:4

“Aperen Probhu Isor do ape samaṅ khon onkoe laga ńirko tayom aperen okoehõ jemon mone monte aloko menma, ‘iń doń bindusạngete Probhu Isor do noa disạm ạidạri lạgitʼ nonḍeye ạguakadińạ.’ Ona do sạriyakʼ do baṅkana; noko jạtren hoṛkoakʼ dusṭạmi iạtege Probhu Isor do ape samaṅ khone laga ńirko lạgidokʼ kana.

Dosar Biboron 9:24

Iń do ape tis khoniń baḍae akatʼpe un khongeń ńelakada, ape do Probhu Isor upạrtepe ṭhok ạguakada.

Jesaea 48:8

Ape do ona bape ańjomakada ar bujhạu hõ bape bujhạu daṛeakada; sedae khon apeakʼ lutur hõ baṅ jhicʼ akantape tahẽkana. Enteń baḍaekan tahẽkana ape do bepạtiạr hoṛ kanape mente, ar janam khonge huhulko mentepe ńum ocokʼkana.

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jirimiạ 32:30

“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.

Jeheskel 20:8

“ ‘Menkhan onko do iń upạrteko hulkeda, ińakʼ katha ańjom do bako rạjilena. Okoe hirkhạwan boṅga murhutʼko bhageko hudisetʼko tahẽkan onko do bako sạṅgiń giḍiletʼkoa ar Misorren boṅga muṭhạnko hõ bako bạgiyatʼkoa. Onatege ińiń menkeda Misorre onko cetanre ińakʼ edre ar khĩs do onkoreń dula.

Jirimiạ 44:9

Jihudạ disạm ar Jerusalem reakʼ ḍaharkore aperen hapṛamkoakʼ, Jihudạren rapajko ar rạnikoakʼ, ape ar aperen bạhukoakʼ dusṭạmi reakʼ katha do cetʼpe hiṛińkeda?

Jeheskel 20:13

“Menkhan Israelren hoṛko do hahaṅkarre iń upạrteko hulkeda. Onko do ińakʼ niạm bako manaoleda ar ińakʼ okaṭakʼ ạn-ạri manao hotete manwa jionko ńam ona doko nihạ̃t giḍikada; ar iń emakʼ jirạukʼmãhã reakʼ sonottetʼ hõ bako rukhiyạleda. Onatege iń doń menkeda, onko cetanre ińakʼ edreń dulakote hahaṅkarrege onko doń marao giḍikakoa.