Dosar Biboron 9:27 - সান্তালী বাইবেল

²⁷ Amren guti Abraham, Isahak ar Jakobakʼ katha baṛe disạime. Noko keṭecʼ hoṭokʼan jạtrenkoakʼ kạṭhuạ mon ar onkoakʼ ghạṭko secʼ do alom beṅgetʼakʼa.

Dosar Biboron 9:27 Referans Kwoze

Jirimiạ 14:21

Amakʼ ńutum rukhiyạitam lạgitʼ ale secʼ khon mẽtʼãhã do alom ạcurtama; amakʼ ṭhonokanakʼ siṅghạson reakʼ ṭhạ̃i do alom bemanot ocoya. Ale lạgitʼem bondobos akatʼ katha reakʼ baṛe disạime; ona do alogem bạtil giḍikakʼa.

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Kạhtukko 21:12

Dhoromicʼ Isor do bedhoromicʼakʼ oṛakʼe ạri bạndhiyeda; ar onko bedhoromkoe marao giḍiyetʼkoa.

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

1 Samuel 25:25

Ińren mạlik do uni kharap hoṛakʼ, metakʼme Nabalakʼ katha jemon aloe sapʼ dohokakʼ. Ente uniyakʼ ńutum cetʼleka onkage uni do. Uniyakʼ ńutum reakʼ mane do, keṭecʼ hoṭokʼ, ar unire do onage menakʼa. Ińren mạlik acʼren hoṛkoe kolletʼko onko sãote iń amren kạ̃ṛmĩ do bạń ńapamlena.

Exodus 32:13

Amren guti Abraham, Isạhak ar Israelakʼ katha hudisme. Amakʼ ńutumte kiriạkatem metatʼko tahẽkana, onkoren bõs do sermaren ipilko lekam saṅgekoa ar amakʼ gokʼakʼ disạm do jaejug reakʼ ạidạri lekate onkoren hoponkom danakoa.”

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Genesis 19:29

Nonkate Lot okareye tahẽkan Isor do ona bilạn ṭạnḍi reakʼ nagrahae maraoetʼ tahẽkanre Abrahamakʼ katha disạkate Lot do onḍenakʼ muhin khone ocokʼ ạgukedea.

Dosar Biboron 9:26

Ar uni ṭhen noa menkateń koeleda, ‘E Probhu Isor am do amren hoṛko alom marao giḍikoa. Ente onko do amren hoṛ kangeako ar amge amakʼ maraṅ daṛetem chaḍao akatʼkoa ar amakʼ daṛeanakʼ tite Misor khonem oḍok ạgu akatʼkoa.

Dosar Biboron 9:28

Arem onkae khan oka disạm khonem oḍok ạgu akatʼle ona disạmren hoṛko mena, Probhu Isor do acʼakʼ gokʼakʼ disạmte bae idi daṛeatʼkote se onkoe kurudakokante gocʼko lạgitʼ hahaṅkarteye oḍok ạguakatʼkoa.

Levitikus 26:42

enḍekhan iń do Isahak, Jakob ar Abraham sãote ińakʼ bondobos reakʼ katha ar onkoakʼ disạm reakʼ kathań disạya.

Levitikus 26:45

Onko lạgitʼge onkoren hapṛamko sãote ińakʼ bondobos reakʼ kathań disạya. Ente onkoren hapṛamkoren Isoriń hoyokʼ iạte eṭakʼ jạtrenko talate Misor disạm khoniń oḍok ạguakatʼkoa. Ar iń kangeạń Probhu Isor do.”

Sereńko 130:3

E Probhu Isor, dhorom reakʼ hisạbem hatao khan, enḍekhan E Probhu Isor, okoeye teṅgo ṭarhao daṛeakʼa?