Dosar Biboron 9:21 - সান্তালী বাইবেল

²¹ Apeakʼ ona kại reakʼ jinisko, metakʼme aperen benaoicʼ uni mĩhũ hataokate seṅgelreń khadlekadea. Ar ona tayom doń koṭecʼ gejerkedete dhuṛi lekań lopotʼ lopotʼkeda ar buru khon ạtu pheḍokʼkan dakʼreń giḍikada.

Dosar Biboron 9:21 Referans Kwoze

Exodus 32:20

Ar onkoko benao akade uni mĩhũ do seṅgelreye khadlekadea. Ar uniye gejerkedete dakʼreye giḍikeda ar Israelko ona dakʼe ńu ocoketʼkoa.

Jesaea 31:7

ente enhilokʼ ape okoe do sona ar rupạren boṅga murhutʼko benaokatepe kại akatʼ, onko dope capatʼ giḍikakoa.

Hosea 8:11

“Ephrayim do acʼakʼ ghạṭko sạṅgińtae lạgitʼ aema pinḍkoe benao akawana, menkhan onako do kạkại reakʼ pinḍkantaea.

Jesaea 30:22

Unre ape do aperen rupạ ar sonatepe muṛạu akatʼko boṅga murhutʼpe bhõnḍ ocokoa; ar mạilạ kicricʼ lekape giḍikakoa arpe mena, “Men nonḍe khon do sạṅgińokʼpe!”

Dosar Biboron 9:20

Aron marao giḍikae reakʼ edre hõ rakapʼade tahẽkana menkhan ona jokhecʼ Aron lạgitʼ hoń nehõrlena.

Mikạ 1:7

Ar uniren sanam boṅgako doko rạputʼ gejer ocokʼa; uniren mundil-kusumbikoakʼ sanam rojgar do seṅgelte rapakʼ giḍikʼa; uniren sanam boṅga muṭhạnko doń marao giḍikoa. Uni do kusumbi reakʼ kuṛại lekate noakoe ńam akada onate onako do arhõ kusumbikʼ lạgitʼ laṛcaṛokʼa.”

1 Rapajko 15:13

Uni do acʼren goṛomtetʼ buḍhi Maka hõ rạni hudạ khone ocokʼkedea, ente uni do hirkhạwạnicʼ Asera muṭhạne benaoleda. Ar Asa do ona muṭhạne makʼ rạputʼketʼte kedron soḍokʼre idikateye atar giḍikada.