Dosar Biboron 9:18 - সান্তালী বাইবেল

¹⁸ “Probhu Isorakʼ mẽtʼãhã samaṅre nonkanakʼ kạikate ape do uniyakʼ edrepe rakapʼ ocoketʼtaete iń do lahate leka arhõ pongel siń ar pongel ńindạ Probhu Isor samaṅre ikhṛum hapegeń tahẽyena; dakʼ se piṭhạ cetʼge bạń jom ńũleda.

Dosar Biboron 9:18 Referans Kwoze

Exodus 34:28

Sinại burure Mose do Probhu Isor ṭhen pongel siń ar pongel ńindại tahẽkana. Ar inạ oktere uni do piṭhạ se dakʼ cetʼge bae jom-ńũleda. Probhu Isor do dhiri cạktikin cetanre acʼakʼ bondobos reakʼ kathako arhõe olkeda, ar onage gel hukum do hoyena.

Dosar Biboron 9:9

Ar Probhu Isor okaṭakʼ bondobos ape lạgitʼe dohoakatʼ ona bondobos olakatʼ dhiri paṭakin hatao lạgitʼ iń do buru coṭre pongel siń ar pongel ńindạń tahẽkana. Unre iń do dakʼ hõ bạń ńũleda ar piṭhạ hõ bạń jomleda.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

2 Samuel 12:16

Unre Dạud do uni gidrạ lạgitʼ Isor ṭhen nehõrokʼe ehopʼena. Uni doe upạskeda ar acʼakʼ oṛakʼte senkate otreye giticʼ aṅgayena.

Dosar Biboron 10:10

“Lahate leka iń do niạ dhao hõ pongel siń ar pongel ńindạ buru cetanreń tahẽkana ar Probhu Isor do ińakʼ kathae ańjomketʼtińạ. Ar ape maraope reakʼ sana do baṅ tahẽkantaea.

Dosar Biboron 9:17

Onate iń do ona dhiri cạktikin ińakʼ ti khoniń giḍikada. Ar apeakʼ mẽtʼ samaṅre onakin do rạputʼena.

Dosar Biboron 9:25

“Probhu Isor do marao giḍipe reakʼ kathae menletʼ iạte iń do pongel siń ar pongel ńindạ Probhu Isor samaṅre ikhṛum akaniń tahẽkana.

1 Rapajko 19:8

Onate uni do beretʼkateye jomkeda. Ar ona jomkateye daṛeyente uni do pongel siń pongel ńindạ taṛamate Isorakʼ Horeb buruteye seṭerena.

Esra 10:6

Ona tayom Esra do Isorakʼ oṛakʼ samaṅ khon Eliasibren hopon Jehohananakʼ kandhateye boloyena. Onḍe uni do cetʼge bae jom ńuleda, ente bondi dosa khon ruạṛ hecʼakan hoṛkoakʼ bepạtiạr iạteye hirdạnikʼ kan tahẽkana.