Dosar Biboron 9:13 - সান্তালী বাইবেল

¹³ “Probhu Isor do arhõe metadińa, ‘iń do noko hoṛkoń ńelakatʼkoa; noko do keṭecʼ hoṭokʼan jạtren kanako.

Dosar Biboron 9:13 Referans Kwoze

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Dosar Biboron 9:6

Onate baḍae dohokakʼpe, apepe bindusạngete Probhu Isor do niạ mońj disạm ạidạri lạgitʼe emapekana ona do baṅa. Ente ape do mitʼṭen keṭecʼ hoṭokʼan jạtrenko kanape.

2 Rapajko 17:14

Menkhan onko do ona katha bako luturada. Onkoren hapṛamko okoe do akoren Probhu Isor ṭhen bako ṭehãḍokʼkan tahẽkan, onko lekage monko keṭecʼketʼ takoa.

Dosar Biboron 31:27

Ar cetʼ lekan keṭecʼ hoṭokʼan ar huhulko kanpe ona doń baḍaegea. Ape talare jiwetʼ iń tahenrege Probhu Isor upạrtepe huhulkan khan ińiń gujukʼ tayom do tinạkʼ artetʼpe onkaea!

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Hosea 6:10

Israelko talare mitʼṭecʼ bạṛicʼakʼ iń ńel akada. Ephrayim do onḍeye laṭghaṭ akada ar Israel doe bhonḍ akana.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Jirimiạ 7:11

Ińakʼ oṛakʼ do cetʼ ape ṭhen ḍạkukoakʼ dander hoyakana? Iń Probhu Isorgeń meneda, iń do noakoń ńeletʼgea.

Sereńko 50:7

“E ińren hoṛko, ańjompe, iń do kathań roṛeda; E Israel, iń do am upạrte gohań emeda; iń doń Isor kana, amren Isorge.

Genesis 18:21

Ona iạte iń do latarte pheḍkateń ńela, onko okako cekayetʼkan ona do sạriyakʼkana se baṅa. Ar onka baṅkanre hõ iń do onań baḍae daṛeakʼa.”

Genesis 11:5

Probhu Isor do manwa oka nagraha ar usul oṛakʼko bekʼnaokan tahẽkan ona ńel lạgitʼe pheḍ hecʼena.