Biblia Todo Logo
Bib sou entènèt

- Piblisite -




Dosar Biboron 9:1 - সান্তালী বাইবেল

1 “E Israelko, ańjompe, okoe jạtrenko ape khon lekhareko ḍherge ar daṛe hõko daṛege ar onkoakʼ serma ṭuṅgạu usul pạcriko ar maraṅ maraṅ nagrahako ńitokʼ ape do onako dokhol lạgitʼ jordan gaḍape parom lạgidokʼkana.

Gade chapit la Kopi




Dosar Biboron 9:1
24 Referans Kwoze  

Ape do aperen Probhu Isor okaṭakʼ disạme em lạgidokʼkan ona dokhol lạgitʼ jordan gaḍape paromokʼkana. Ar dokholkate tinre onḍepe girobasokʼa unre teheń okako niạm ar hukumkoń ematʼpe ona baṛe dohoype.


Uni doe onka akada jemon maraṅ ar daṛean jạtrenko ape samaṅ khone laga ńirkote onkoakʼ disạmte apeye idi daṛeape ar sompotti lekate onae em daṛeape; ar teheń do onage hoyakana.


Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’


“Ḍerate senkate hoṛko metakope jemon akoakʼ jomakʼ ar ńũiyakʼkote sapṛao akanko tahen. Ente onkoren Probhu Isor okaṭakʼ disạm do sompotti lekateye emako lạgidokʼkan onḍe senkate dokhol lạgitʼ pe din bhitrite nonḍe khon jordan gaḍa paromokʼ hoyokʼtakoa.”


Ar ape onape onkae enḍekhan Probhu Isorge ape samaṅ khon onko jạtrenkoe oḍokkoa, ar ape do ape khon maraṅ ar daṛean jạtrenkope bhagaokoa.


“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.


“Ona tayom iń do onkoń metatʼkoa, ‘Aperen Probhu Isor do noa jaegage dokhol lạgitʼe em akatʼpea. Menkhan ape talare okoekoakʼ daṛe menakʼ onko do lạṛhại reakʼ khanḍa bhanḍako horokʼkate Israel boehako laha lahate gaḍa paromokʼ hoyokʼtakoa.


Bochor reakʼ pạhil cando reakʼ gelakʼ dinre hoṛko do jordan gaḍa khonko rakapʼ hecʼente Jerikho purub simạ reakʼ Gilgolre senkateko ḍerayena,


Hoṛko do jordan gaḍa paromokʼ lạgitʼ tinre ḍerako uṭhạuketʼtakoa unre goha-sinduk gokʼ idikan naekeko do onko laha lahateko mohnḍayena.


Ona tayom uni do naekekoe metatʼkoa, “Ape do goha-sinduk gokʼkate hoṛko laha lahate gaḍape paromokʼa. ” Onate onko do goha-sinduk gokʼkate hoṛko laha lahateko calao idiyena.


Jordan gaḍa paromkate aperen Probhu Isore emakawatʼpe disạmte bolokate lạṭu lạṭu dhiripe cake rakaba ar cuntepe potaokakʼa,


Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.


Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”


“Aperen hapṛamko Abraham, Isahak ar Jakob ṭhen aperen Probhu Isor do kiriạkate okaṭakʼ disạm emokʼ lạgitʼe gokʼakawatʼpe onḍe uni doe idipea. Onḍe do maraṅ ar napae napae nagrahako menakʼa okaṭakʼ ape bape benao akatʼ,


Dare do hara idiyente ạḍi maraṅ ar daṛeanakʼ hoyena ar ona reakʼ coṭ agal do serma hạbicʼ rakapʼena; dhạrti reakʼ ses simạ khon hõ ona dare do ńel ńamokʼkan tahẽkana.


Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”


“E Israelko, iń okaṭakʼ niạm ar ạn-ạriko cetʼapeń menetʼkan ona ńitokʼ ańjompe. Ape do noako manao idiy hoyokʼtapea jemon jiwetʼpe tahen ar aperen hapṛamkoren Probhu Isor okaṭakʼ disạme emape lạgidokʼkan onḍe senkatepe ạidạri joṅ.


Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”


Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”


“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.


Swiv nou:

Piblisite


Piblisite