Dosar Biboron 8:9 - সান্তালী বাইবেল

⁹ Ona disạmre do ḍher jomakʼpe ńama ar okaṭakʼ reakʼ okulạn hõ baṅ tahentapea. Onḍenakʼ dhirire do mẽṛhẽtʼ menakʼa. Ar onḍenakʼ buru khon tambape la rakapʼ daṛeakʼa.

Dosar Biboron 8:9 Referans Kwoze

1 Bõsbudạ 22:14

“Iń do ạḍi kosṭote Probhu Isorakʼ oṛakʼ lạgitʼ pe hajar are sae ṭon sona ar pegel are hajar ṭon rupạń jogaṛ dohoakada. Ona chaḍa nunạkʼ ḍher pitạl ar mẽṛhẽtʼkoń jogaṛ akada ona do ohoge soṅlena, dhiri ar kaṭ hõń jogaṛ dohoakada. Am do noare arhõm juṭucʼ daṛeakʼa.

Josuạ 22:8

“Ape do ạḍi utạr mĩhũ-merom, sona, rupạ, pitạl, mẽṛhẽtʼ ar aema kicricʼ khạnḍwạkʼ ar dhonko hoyakantapea. Ńitokʼ ape do noako idiyte ruạṛ senokʼpe. Ar aperen bạiriko ṭhen khonpe luṭ akatʼ jinisko aperen boehako hõ hạṭińakope.”

Dosar Biboron 33:25

Mẽṛhẽtʼ ar pitạl reakʼ hurkạṛte uniyakʼ duạr do tol tahentaea. Ar tinạkʼ din jiwetʼe tahen unạkʼ din hoṛmore daṛe tahentaea.”

Jobakʼ 28:2

Hasa khon mẽṛhẽtʼko la totʼeda, ar tamba do gitil dhiri khonko galao totʼeda.

Dosar Biboron 8:8

Onḍe do guhumko, jaoko, darkha joko, loa dareko, ḍạlim dareko, jạitun dareko ar dumur rasako menakʼa.

Dosar Biboron 8:10

“Onḍe do jom-ńũkatepe tirpitokʼa ar aperen Probhu Isorakʼ emakʼ ona mońj disạm lạgitʼ unipe sarhaoea.

Bikʼcạrko 18:10

Arpe senlen khangepe ńela, onḍenko hoṛ do mitʼṭecʼ maraṅ jaegare khạtirjomako girobasokʼ kana. Isor do apeakʼ tire ona jaegae jimạ akawatʼpea. Ar dhạrti reakʼ okaṭakʼ reakʼ okulạn hõ onḍe do bạnukʼ anaṅ.”

1 Bõsbudạ 22:3

Uni do phaṭok duạr ar kobjako reakʼ jạlại lạgitʼ ạḍi ḍher mẽṛhẽtʼe emena, ar nunạkʼ pitạle emena je, ona do bako ojon daṛeada.