Dosar Biboron 8:8 - সান্তালী বাইবেল

⁸ Onḍe do guhumko, jaoko, darkha joko, loa dareko, ḍạlim dareko, jạitun dareko ar dumur rasako menakʼa.

Dosar Biboron 8:8 Referans Kwoze

Johan 6:13

Adoko jomketʼ tayom ona mõṛẽ goṭecʼ piṭhạ reakʼ okako kaṭra kuṭrạ sarecʼ tahẽkan celako do onako halaṅ samṭaoketʼte gelbar phạtiạkʼko perecʼkeda.

Sereńko 147:14

Amakʼ simạnakore unige sạjạiye dohoyeda, ar joto khon bhage guhumteye tirpitetʼme kana.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Johan 6:9

Uni do Jisui metadea, “Nonḍe mitʼṭen huḍiń koṛa ṭhen barea kạṭicʼ hako ar mõṛẽ goṭecʼ jao reakʼ piṭhạ menakʼa, menkhan noate nunạkʼ hoṛakʼ do cetʼ hoyokʼa?”

Habakkuk 3:17

Loa darere baṅ bahakʼre hõ ar darkha nạ̃ṛĩre darkha jo baṅ jolenre hõ, jạitun darere jãhãn jo baṅ saplenre hõ ar khetre jãhãn phosol baṅ hoylenre hõ, bhiḍikoakʼ khạṛre bhiḍiko bako tahẽlenre hõ ar goṛare kaḍa bitkil bako tahẽlenre hõ,

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Hosea 2:22

ar dhạrti do phosol, nãwã darkha rasa ar sunume emaea, ar onko hotete Jisreyel, metakʼme Israel do ińakʼ monejoṅakʼe bujhạua.

Hosea 2:8

Uni do bae aṅgocetʼ tahẽkana, ińge anaj, nãwã darkha rasa ar sunumiń emaekan tahẽkana, sona ar rupạko hõ ḍher okocʼiń emaekan tahẽkana, one oka uni do Bakʼal debota lạgitʼe beboharetʼ tahẽkan.

Jeheskel 27:17

Jihudạ ar Israel do am sãotekin bạnij beparetʼ tahẽkana; unkin do amakʼ jinis bodolte guhum, jomakʼ jinis, toa, sunum, ar jut so mosola kin emam kan tahẽkana.

Jirimiạ 5:17

Onko do apeakʼ phosol ar jomakʼko jomtapea, aperen hopon ar hoponerakoko jomkoa; onko do aperen bhiḍi-merom-ḍaṅgra palko jomkoa, ar apeakʼ sanam darkha bagwan ar loa dareko jom cabaetapea. Ar okaṭakʼ gaṛ nagraharepe bhorsakʼkan ona do tarwaṛeteko dhaṅdhasera.”

Jesaea 7:23

Enhilokʼ okako jaegare gelbar keji rupạ reakʼ dam mitʼ hajar goṭecʼ darkha nạ̃ṛĩ tahẽkan onḍe do eken jạnum ar rạṅgạinige tahena.

1 Rapajko 5:11

Ar Solomon hõ Hiram ar uniyakʼ oṛakʼren hoṛkoakʼ jomakʼ lạgitʼ pe hajar turui sae ṭon guhum ar pon hajar irạl sae liṭar jạitun reakʼ sunume emadea. Nonkage Solomon do bochorke bochor onae emadea.

2 Samuel 4:6

Unkin do guhum hatao bhankate oṛakʼ bhitritekin boloyena. Unre Isboset do acʼakʼ giticʼ oṛakʼ reakʼ khaṭ cetanreye giticʼ jirạu joṅkan tahẽkana. Rekab ar Bana do uniyakʼ oṛakʼre bolokate lacʼkin bhoskaoketʼtaea arkin gocʼkedea, ar ona tayom do uniyakʼ bohokʼkin kuṭrạketʼte onḍe khonkin dạṛkeda. Unkin do goṭa ńindạ Araba reakʼ horte taṛamate Hebronte Dạud ṭhenkin idikeda. Arkin metadea, “Amren bạiri Sạul, okoe do amakʼ jiwi hatao reakʼe kurumuṭiyetʼ tahẽkan, uniren hopon Isbosetakʼ bohokʼ do nõkʼõe liń ạguakada. Teheń Probhu Isor do aboren mạlik maharaj secʼte Sạul ar uniren hopon cetanreye halakeda.”

Sereńko 81:16

Menkhan Israel do sanam khon soros utạrakʼ guhumiń jom ocoyea; sạrige iń do ona rasateń tirpit ocokoa one okaṭakʼ do cạṭạni khon ńamokʼkan.”

Genesis 49:11

Jihudạ do darkha nạ̃ṛĩre acʼren gadhae tolkaea, ar gadha hopon do soros utạrakʼ nạ̃ṛĩre. Uni do darkha rasate kicricʼkoe soboda, ar darkha joko reakʼ mãyãmte do oyonakʼkoge.

Dosar Biboron 8:7

Aperen Probhu Isor oka mońj disạmteye ạyur aderetʼpe onḍe do buru ar lodamkore bhumbukokʼ ḍạḍi ar dakʼ nalako menakʼa.

Dosar Biboron 8:9

Ona disạmre do ḍher jomakʼpe ńama ar okaṭakʼ reakʼ okulạn hõ baṅ tahentapea. Onḍenakʼ dhirire do mẽṛhẽtʼ menakʼa. Ar onḍenakʼ buru khon tambape la rakapʼ daṛeakʼa.

Dosar Biboron 32:13

“Uni do pirthimi reakʼ usul jaegareye decʼ sen ocokedea disạm reakʼ mitʼ buru khon eṭakʼ burute; ar ot baṛge reakʼ phosole jom ocokedea. Uni do dumur rasa hõe cepecʼadea buru khoṅkor khon ńamokʼakʼge, uni do cạṭạni dhiri khon jạitun sunum hõe emadea.

Numeri 13:23

Ar mukhiyạko do Eskol buru lodamkote senkate darkha jo reakʼ thokako getʼkeda. Onko modren bar hoṛ do ḍaṅre gutukate onakin gokʼ ạgukeda. Ona chaḍa thoṛa dạlim ar loa jo hõko ạgu torakeda.

Dosar Biboron 6:3

E Israelko, ape do ińakʼ katha ańjompe ar sontor akae tahente noako manaope, jemon toa ar dumur rasa ạtukʼkan disạmre senkate aperen hapṛamkoren Probhu Isorakʼ gokʼakʼ lekate apeakʼ bhạlại hoyokʼtape ar lekharepe saṅge idikʼ.

2 Rapajko 18:32

Ona tayom hecʼkate apeakʼ nij disạm leka ar mitʼ disạmteń idipea. Ona disạm do hoyokʼkana anaj ar nãwã darkha rasa ạtukʼ disạm, piṭhạ ar darkha bagwan reakʼ disạm, jạitun ar dumur rasa reakʼ disạmtege. Ar ińakʼ katha lekape kạmi enḍekhan ape do bape gujukʼa bickom jiwetʼpe tahena. ‘Hiskiạ tinreye mena Probhu Isor do apeye rukhiyạpea, unre uniyakʼ katha do alope ańjomtaea, ente ona katha menkate uni doe ạnḍicʼetʼpea.

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.