Dosar Biboron 8:20 - সান্তালী বাইবেল

²⁰ Probhu Isor do ape samaṅre jạtrenkoe marao giḍi akatʼko leka Probhu Isorakʼ bebatao iạte ape hõpe marao utạrokʼa.

Dosar Biboron 8:20 Referans Kwoze

Dosar Biboron 4:26

enḍekhan teheńge iń do un okte lạgitʼ serma ar ot do ape upạrte goha dohokateń meneda, ape do jordan gaḍa paromkate okaṭakʼ disạmpe ạidạri lạgidokʼkan ona disạmre thoṛa dintegepe ses utạrokʼa. Ar onḍe ḍher din do bape girobas daṛeakʼa, khạṭigepe marao utạrokʼa.

Sereńko 10:16

Probhu Isorge jaejugren raj kanae; uniyakʼ disạm khon eṭakʼ jạtren doko maraokʼa.

Jeheskel 5:5

“Iń Probhu Isorgeń meneda, noa do Jerusalem kana. Iń do jạt jạtrenko talare onań dohoakada; ar ona beṛhaete do aema disạmko menakʼa.

Levitikus 26:27

“Niạko tayom hõ ińakʼ kathako bape luturakʼ ar iń birudpe senokʼ,

Levitikus 26:39

Ona tayom aperen okoe onḍeko tahen onko do akoren ar hapṛamkoakʼ dos iạteko caba idikʼa.

Josuạ 23:8

Ape do aperen Probhu Isorre sapʼ kajak akae tahenpe, cetʼleka teheń hạbicʼ sapʼakae menakʼpe.

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Jirimiạ 7:33

Ona tayom noko hoṛkoakʼ mạ̃ṛĩ do coṭren cẽṛẽko ar dhạrtiren janwarkoakʼ jomakʼ hoyokʼa ar onko lagako lạgitʼ do celehõ bako tahena.