Dosar Biboron 8:2 - সান্তালী বাইবেল

² Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Dosar Biboron 8:2 Referans Kwoze

Jakob 1:3

entepe baḍaegea biswạs reakʼ biḍạuge apeakʼ soboriye baḍhao ocoyeda.

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Exodus 16:4

Unre Probhu Isor do Moseye metadea, “Iń do serma khon jạṛi dakʼ leka jomakʼ iń ńur ocoya. Ar hoṛko do dinạm hilokʼ bahrete senkate enhilokʼ reakʼ jomakʼko halaṅ joṅa. Ar ińakʼ hukum lekako senokʼa se baṅ ona reaṅ iń biḍạukoa.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

Exodus 15:25

Noa katha ańjomkate Mose do Probhu Isor ṭhene rakʼkeda. Uni do Mose mitʼṭen dareye udukʼadea. Mose do dakʼre ona dareye topoketʼ khan dakʼ do ńũi lek hoyena. Probhu Isor do onḍe biḍạureye paṛaoketʼkote onko lạgitʼ mitʼṭecʼ niạm ar ạne bandhaokeda.

Jakob 4:10

Probhu Isor samaṅre nindhạnokʼpe, enḍekhan unigeye tul rakapʼpea.

Johan 2:25

Ar manwa reaṅ okoeyakʼ goha hõ baṅ jạruṛadea, ente manwakoakʼ monre oka menakʼ ona doe baḍaekan tahẽkana.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

Dosar Biboron 29:5

Pongel bochor hạbicʼ Probhu Isorge ape do hahaṅkar talateye idiletʼpea. Onako dinre apeakʼ hoṛmo reakʼ kicricʼ hõ baṅ lamjakʼlena ar panahe hõ baṅ heṛlentapea.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.

Jesaea 2:17

Manwakoakʼ gorbokʼ do copotʼ ocokʼtakoa ar hoṛkoakʼ bạḍại hõ copotʼ ocokʼa. Enhilokʼ do eken Probhu Isorgeye manot ocokʼa,

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

Sereńko 136:16

Okoe do acʼren hoṛko hahaṅkar talateye idiletʼko uni gun manao joharaepe; ente uniyakʼ dulạṛ do jaejuggetaea.

Sereńko 106:7

Misorre tahen jokhecʼ aleren hapṛamko do amakʼ hahaṛa kạmi ńelte cetʼge bako bujhạuleda; onko do amakʼ asambheṛ dulạṛ reakʼ katha hõ bako disạ doholeda; onko do jalapuri aṛere, arakʼ jalapuri ṭhenko ṭhokkeda.

Sereńko 81:7

Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)

Sereńko 77:11

Probhu Isorakʼ sanam kạmiko reakʼ kathań disạ dohoya; hẽ, sedae reakʼ amakʼ hahaṛa kạmi reakʼ kathakoń disạya.

Jobakʼ 33:17

jemon manwa do akoakʼ bedhorom kạmi khonko ruạṛokʼ ar bạḍại khonko pharak hijukʼ.

2 Bõsbudạ 33:12

Ar Manase do muhinreye paṛaoen khan uni do acʼren Probhu Isor ṭhen dayae khojkeda ar acʼren hapṛamkoren Isor samaṅreye nindhạnena.

Dosar Biboron 13:3

Enḍekhan uni nạbi se kukmũ ńeńel hoṛakʼ katha alope ańjomtaea. Ente aperen Probhu Isor do mon ar ontortepe dulạṛedekana se baṅa ona ńel lạgitʼ biḍạureye paṛao ocoyetʼpea.

Dosar Biboron 7:18

Menkhan ape do alope botorakoa. Pharao ar goṭa Misor disạm cetanre aperen Probhu Isor okae cekaletʼ ona baṛe disạipe.

Dosar Biboron 1:33

Unige coṅ ḍera ṭhạ̃i ṭhik lạgitʼ ar hor udukʼ idiape lạgitʼ ńindạ do seṅgel khunṭire ar siń do rimil khunṭire tahẽkate apeye ạyur idiyetʼpe tahẽkana.

Dosar Biboron 1:3

Israelko reaṅ Mose okakoe hukumade tahẽkan ona do onkoakʼ dãṛãn horre pongel bochor reakʼ gelmitʼ cando reakʼ pạhil hilokʼ Probhu Isor do onko ṭhene sodorleda.

Genesis 22:1

Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

2 Bõsbudạ 33:19

Uniyakʼ koejoṅ reakʼ katha, ar uniyakʼ nehõr joṅte Isorakʼ daya reakʼ katha, uniyakʼ sanam kại ar bepạtiạr reakʼ katha, Isor samaṅre ạuri nindhạnokʼre than boṭkocʼkoe benao ocoletʼ ar Asera muṭhạn ar lakʼ rokʼ akatʼko murtiko reakʼ joto katha do ńeńelkoakʼ puthire olakana.

Exodus 16:35

Hoṛko girobas akan nonkan mitʼṭecʼ jaegare, metakʼme Kanan disạm reakʼ simạnate ạuriko hijukʼ hạbicʼ Israelko do pongel bochor hạbicʼ ona Mannako jomkeda.

Exodus 20:20

Unre Mose do hoṛkoe metatʼkoa, “Alope botorokʼa. Isor do biḍạureye paṛao ocoakatʼpea jemon apeakʼ monre botor tahente alope kại. Ar ona iạtege uni doe hecʼakana.”

Numeri 14:33

Ar hahaṅkarre ạuripe gujukʼ arpe seyakʼ hạbicʼ apeakʼ bepạtiạu iạte aperen hopon ar hoponerako do pongel bochor hạbicʼ nonḍege bhiḍiko gupi baṛakoa.

Bikʼcạrko 2:22

Ar akoren hapṛamko leka ińakʼ horteko calakʼa se baṅa ona do noko jạtrenko hoteteń biḍạukoa.”

Bikʼcạrko 3:4

Probhu Isor do Mose hotete onkoren hapṛamko okae hukumatʼko tahẽkan ona do Israel hoponkoko manao idiya se baṅa ona biḍạu ạtkarko lạgitʼ iạtege noko jạtrenkoe doholetʼkoa.

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Dosar Biboron 32:7

“Sedaeakʼ ona dinko reakʼ katha disạipe; aperen ḍher din laharen hapṛamkoakʼ kathako baṛe hudispe. Onako din reakʼ kathako aperen apatko ṭhen kulijoṅpe, onko do apeko lạiyapea; ar haṛam hoṛko kulikope, onko do apeko bujhạuapea.

Sereńko 103:2

E ińakʼ jiwi, Probhu Isor sarhaoeme; uniyakʼ jãhãn bhạlại reakʼ katha alom hiṛińa.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’