Dosar Biboron 8:15 - সান্তালী বাইবেল

¹⁵ Uni do maraṅ ar botoranakʼ hahaṅkar secʼte, seṅgel biń ar kidiń kaṭkomko talate ar khaṅgoṭ jaega secʼteye taṛam ạgu ocoketʼpea. Uni do dhiri khon ape lạgitʼ dakʼe oḍok ocokeda.

Dosar Biboron 8:15 Referans Kwoze

Numeri 21:6

Unre Probhu Isor do onko talare mitʼlekan seṅgel bińkoe kolketʼkoa. Onkoakʼ gerte ạḍi utạr Israelko gocʼena.

Numeri 20:11

Niạ katha menkate Mose do tiye tulketʼte acʼakʼ ṭheṅgate ona dhirire bar dhaoe dalkeda; ar onate dhiri khon dakʼ do oḍokokʼ ehopʼena ar Israel hoponko ar onkoren janwarko ona dakʼko ńũkeda.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Sereńko 114:8

One uni cạṭạni do jolateye pheraoetʼ, ar keṭecʼ dhiri do dakʼ reakʼ jharnageye hoyocoyetʼ.

Dosar Biboron 1:19

“Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Hosea 13:5

Hahaṅkarre, ona rohoṛ disạmre iń do amiń ńel jutletʼmea.

Jesaea 35:7

Rohoṛ ṭhon ṭhon jumi do pukriko hoyokʼa, ar tetaṅokʼkan ot do dakʼ reakʼ jharnakoge; ar toyoko tahenkan jaega do dalahe, chuci ar pạṭiolge janamokʼa.

Sereńko 136:16

Okoe do acʼren hoṛko hahaṅkar talateye idiletʼko uni gun manao joharaepe; ente uniyakʼ dulạṛ do jaejuggetaea.

Sereńko 105:41

Uni do dhiriye jhicʼ ocoketʼte, ona khon dakʼe emena; rohoṛ jaega talate ona do gaḍa dakʼ leka ạtu oḍokena.

Dosar Biboron 32:13

“Uni do pirthimi reakʼ usul jaegareye decʼ sen ocokedea disạm reakʼ mitʼ buru khon eṭakʼ burute; ar ot baṛge reakʼ phosole jom ocokedea. Uni do dumur rasa hõe cepecʼadea buru khoṅkor khon ńamokʼakʼge, uni do cạṭạni dhiri khon jạitun sunum hõe emadea.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Jesaea 43:19

Ńelpe, iń do mitʼṭecʼ nãwã kạmiń kạmi lạgidokʼ kana. Ona do ńitge ehobokʼa arpe baḍae daṛeakʼa. Iń do hahaṅkar talate horiń benaoa ar khaṅkarre gaḍań ạtu ocoya.